Astanalyq suretşı memlekettık qyzmetkerlerdı «käpır» dep ataǧany üşın qamauǧa alyndy. Ūlttyq qauıpsızdık komitetı suretşı Däuren Makinnıŋ üstınen tergeu jürgızıp jatyr. Būl turaly Azattyq radiosy jariialady, dep habarlaidy "Adyrna" ūlttyq portaly.
D. Makinnıŋ qamalǧanyna bes kün bolǧan. Äkesınıŋ aituynşa, Däuren Makinge jeltoqsan aiynda «Arystan» degen bürkenşık aty bar adammen kezdesıp, memlekettık qyzmetkerlerdı «käpır» dep atap, bilıkke, onyŋ tūtastyǧyna qarsylyqqa şaqyrǧan» degen aiyp taǧylǧan.
"Ol saiasatpen ısı joq, jai suretşı. Namaz oqityny ras, ol qylmys pa?" – deidı Asqarbek Makin.Onyŋ sözın Däuren Makinnıŋ advokaty Jasūlan Kömekov rastaidy. Advokattyŋ aituynşa, Makinge suret saludy üirenemız degen syltaumen ekı adam kelıp, ortadaǧy äŋgımenı diktofonǧa jazyp alǧan. – Basqa eşqandai dälel joq. Barlyq aiyptau äldebır diktofondaǧy jazbaǧa qūrylǧan. Ony da qolymyzǧa bergen joq. Bıraq sol jazbaǧa saraptama jasap, Makinnıŋ sözınde terroristık saryn bar ekenı, älgı ekı adammen äŋgımede bilıktı auystyryp, ony şariǧat jüiesıne negızdep qaita qūru kerek degen oi aitylǧan dep qorytyndy jasaǧan, – deidı ol. Kei derekközder Makin messendjerde "äldebır habarlamany jıbergenı üşın" ıstı boldy degen boljam aitty. Ūlttyq qauıpsızdık komitetı suretşı Makinnıŋ tūtqyndaluyna qatysty jauap beruden bas tartyp, resmi saual joldaudy sūrady.
"Adyrna" ūlttyq portaly
Ūqsas jaŋalyqtar
