2022 jyly 8 mamyrda Almaty mýzeıinde Asanáli Áshimovtyń 85 jasqa tolýyna oraı «Asanáli» júldesi tabystalady, dep habarlaıdy "Adyrna" ulttyq portaly.
Shara Almaty qalasy ákimdiginiń qoldaýymen ótedi.
«Asanáli» júldesi — Qazaqstannyń kıno jáne teatr óneri salasynda talmaı eńbek etip júrgen óner maıtalmandarynyń kásibı deńgeıin shyńdaý úshin, eleýli eńbekterin baǵalaý úshin beriletin júlde.
Eńbek sińirgen óner qaıratkeri, KSRO Halyq ártisi, Qazaqstan Respýblıkasynyń Halyq ártisi, kıno salasyndaǵy eleýli jetistikteri úshin berilgen táýelsiz «Tarlan» syılyǵynyń ıegeri, túrli ordender men marapattardyń ıesi, otandyq mádenıet salasynyń maqtanyshy Asanáli Áshimov — búkil postkeńestik keńistikte kórermenderdiń shynaıy yqylasyna bólengen jan.
«Asanáli» júldesin tabystaý saltanaty Almaty mýzeıinde (Qabanbaı batyr, 132) 8 mamyr saǵat 15.00-de ótedi.
"Adyrna" ulttyq portaly.
