Almatydaǵy «Altyn Orda» bazarynyń burynǵy dırektory Danııar Ábdiǵaparov Qazaqstan Prezıdenti Qasym-Jomart Toqaevtan kómek surady, dep habarlaıdy "Adyrna" ulttyq portaly "orda.kz"-ke silteme jasap.
«Tolyq bandıtızm. Qazir Qyrǵyzstannan kóptep kelip jatyr. Olardyń kimder ekenin de bilmeımin, qyzmetkerler me, joq pa? Eshqandaı qujattaryn kórsetpeıdi. Kelip tek aqsha surap jatyr. Jigitter segiz kúnnen beri jumys istep jatyr, jańa ákimshilik, eshqandaı zerthanalyq taldaýsyz. Zerthana bar – qýyp jiberdi, baǵa kóterildi, halyq ashýly» — dedi Ábdiǵaparov YEDILOV ONLINE Telegram arnasynda jarııalanǵan vıdeoda.
Sondaı-aq ol bazardyń zańgerine de áldekimder qysym kórsetip, qoqan-loqy kórsetkenin de jetkizdi.
Sońǵy sózinde Danııar Ábdiǵapparov sońǵy úmit prezıdent Qasym-Jomart Toqaevta ekenin aıtyp, onyń bul jaǵdaıdan habarsyz ekenine senim bildirdi.
"Adyrna" ulttyq portaly
