8-9-mamyr kúnderi Shymkent qalasynda "Shim qala" etno-aýylynda "Besqarý" atty etno-festıval ótedi dep habarlaıdy "Adyrna" ulttyq portaly.
Festıvalge respýblıkamyzǵa belgili sýretshi jáne etnograf qarý-zertteýshi ǵalym, QR Sýretshiler odaǵynyń múshesi, QR Kórkemsýret akademııasynyń akademıgi, tarıh ǵylymdarynyń kandıdaty, Eýrazııa dalalaryndaǵy áskerı isterdiń tarıhyn qaıta qalpyna keltirgen ǵalym Ahmetjan Qalıolla qatysyp, qazaq dalasyndaǵy qazaq batyrlarynyń róli men ekspozıııasyn, qarý jaraq túrleri men qoldaný aıasy jaıly praktıkalyq semınar ótkizedi.
Sondaı-aq sharada qazaq etnologııa ǵylymynda shejiretaný baǵytynyń negizin salýshylardyń biri, tarıhshy, jazýshy-dramatýrg, pedagog, tarıh ǵylymdarynyń doktory Jambyl Artyqbaev batyrlardyń áskerı tártipteri men qupııalary, soǵys kezindegi áleýmettik-saıası ómirlerine qatysty kóptegen aqparattarymen bólisse, qazaq halqynyń kórnekti aıtyskeri jáne dástúrli jyrshysy Marat Súgirbaı batyrlar jyryn oryndaıdy.
Jáne festıvalde ulttyq aspaptarda qulaq qurshynyn qandyra oınaıtyn "Hazar" etno-folklorlyq ansambli qazaq batyrlaryn shabyttandyrǵan kúılerin oınap, rýhty kúılerdiń tarıhynan syr tartady. Álemge qazaq jaýyngerlik ónerin tanytyp júrgen "Nomad" kaskaderlar toby óz ónerlerin kórsetip, master-klass ótkizedi.
Aıta ketý kerek, jýyrda "Ońtústik" telearnasynda osy festıvalge qatysýshylar suhbat berip, uıymdastyrýshylar sharanyń arnaıy baǵdarlamasymen tanystyrǵan bolatyn.
"Adyrna" ulttyq portaly
