Túrkistan oblysynda óz áıelin uryp óltirdi degen kúdikpen tórt balanyń ákesi qamaýǵa alyndy. Bul týraly KTK arnasy jazdy, dep habarlaıdy «Adyrna» tilshisi.
Qyzǵanshaq kúıeý 38 jastaǵy jubaıyn araq ishýden bas tartqany úshin tómpeshtep tastaǵan.
Aýyr soqqydan kóz jumǵan Úkiláı Sartaevanyń jaqyndary endi kúıeý balasymen qosa, onyń sheshesin de jaýapqa tartýdy talap etip otyr.
Marqumnyń jaqyndary kúıeý balasynyń judyryq ala júgiretinin burynnan biledi eken. Tipti birneshe márte ajyratyp almaq bolypty. Biraq «balalarym úshin shydaımyn» dep, áıeldiń ózi bas tartqan. «Sońǵy ret úıine iship kelgen otaǵasy eki shólmek konıak ákelip, bireýin áıeliniń aýzyna quıǵan, al qarsylasqan kezde basynan bos bótelkemen urdy" deıdi týystary. Eń soraqysy, janjal balalarynyń kózinshe bolǵan desedi.
"Qyzymdy súırep úıine deıin ákelgen. Betinen urǵan, tisin syndyrǵan. Shashynan julǵan. Shashtan shash qalmaǵan. Tistiń bárin qaǵyp alǵan. Ol az dep, ústine sekirip, qyzymnyń qabyrǵasyn syndyrǵan. Júregi men ókpesin jabystyryp jibergen. Sondaı aıýandyqpen istep otyr", - deıdi marqumnyń anasy Qalamqas Sartaeva.
Marqumnyń týystary polıııa 40 mınýttan keıin keldi dep ókpeli. Eger der kezinde jetkende tórt balanyń anasyn arashalap qalýǵa bolar ma edi deıdi. Al tártip saqshylary bir bappen qylmystyq is qozǵap, kúdiktiniń qamaýǵa alynǵanyn habarlady.
«Kúdikti qylmysyn tolyq moıyndap, ókinishin aıtýda. Aıǵaq zat retinde alynǵan zattarǵa qatysty sot saraptamasy taǵaıyndalǵan. Kúdikti profılaktıkalyq esepte turmaıdy. Kórshi jáne týystarynan osy kúnge deıingi janjalshý bolǵany jaıly aryz-shaǵym osy kúnge deıin túspegen»,– dep málimdedi Túrkistan oblysy PD tergeý basqarmasynyń tergeýshisi Edil Altynbaev.
Qazir kámeletke tolmaǵan tórt bala ájesiniń qolynda. Anasynan aıyrylǵan eki ul, eki qyzǵa endi psıhologııalyq kómek qajet. Balaqaılar óz-ózine kelgenshe bilim bólimi tórteýine de onlaın rejımde oqýǵa múmkindik beripti. Al «der kezinde kelmedi» degen polıeılerge qatysty tekserý júrgiziletin boldy.
«Adyrna» ulttyq portaly
