Qazaqstandyq mektep muǵalimderi A.Baıtursynulynyń 150 jyldyǵyna oraı avtorlyq baǵdarlamalar jasap shyǵardy. Tyń eńbekterin pedagogter «Ahmet Baıtursynulynyń ulttyq bilim berý júıesi: Bilim berýdiń búgini men erteńi» respýblıkalyq ǵylymı-praktıkalyq konferenııasynda tanystyrdy.
Konferenııaǵa A.Baıtursynuly atyndaǵy Til bilimi ınstıýtynyń dırektory Anar Fazyljanova, A.Baıtursynuly atyndaǵy orta mektebiniń dırektory Anarkúl Bolymbekova, QazUÝ professorlary, ahmettanýshy Orynaı Jubaeva jáne basqa da ǵalymdar qatysty. Sonymen qatar 250-ge jýyq mektep muǵalimi qatysyp, ult ustazynyń sarqylmas murasynyń búgingi bilim berý júıesindegi qundylyǵy jaıynda oı bólisti.
Shara uıymdastyrýshysy SDÝ Mýltıdısıplınarlyq bilim berý ortalyǵynyń dırektory Jaınagúl Dúısebekovanyń aıtýynsha, jıyn erekshe formatta ótkizilgen.
«Sharanyń ádettegi ǵylymı konferenııa formatynan ereksheligi – qoǵam qaıratkeri A.Baıtursynuly atyndaǵy mektep pen Sýleıman Demırel atyndaǵy ýnıversıteti, ahmettanýshylar arasynda ózara tájirıbe almasý túrinde ótti. Ǵylymı praktıkalyq qundylyǵy joǵary konferenııa boldy. Mektep muǵalimderi qoǵam qaıratkerine arnalǵan avtorlyq baǵdarlamalar jasap shyǵardy, sharada solardy tanystyrdy. JOO oqytýshylary úshin ol óte qundy aqparat boldy. A.Baıtursynulynyń ádistemelik murasyna qatysty tyń baıandamalar jasaldy, qatysýshylar túrli oılaryn talqyǵa saldy. Aqynnyń ózge tilderge aýdarylǵan óleńderi oqyldy», – dedi ol.
Sondaı-aq shara barysynda pýblııstiń ómir kezeńderin sýretteıtin kórinister qoıyldy, gologramma arqyly portreti salyndy. Shyǵarmashylyǵyn nasıhattaý maqsatynda kórme uıymdastyrylyp, onda oqýshylardyń qolymen jasalǵan týyndylary kópshilik nazaryna usynyldy.
"Adyrna" ulttyq portaly
