"Nazarbaev Qazaqstannyń negizin qalaǵan joq, qaıta ony qurtty. Onyń aty Ata Zańda emes, qarǵys astynda qalady". Bul pikirdi Parlament májilisiniń burynǵy depýtaty Serik Ábdirahmanov jýrnalıst Nurseıit Jylqyshybaıdyń «Ýaqyt kórsetedi» baǵdarlamasynda aıtty, dep jazady "Adyrna" ulttyq portaly.
"Negizin qaıta kerisinshe ol qurtty. Jaınap turǵan Qazaqstan. Táýelsiz sarapshylar AQSh-tyń RÝ-y, Halyqaralyq ekspertterdiń baǵasy boıynsha Qazaqstan 1980 jyldardyń aıaǵynda halyqtyń turmys deńgeıi boıynsha 30-eldiń qataryna kirip, 28 orynǵa shyqty. Osyndaı ashyq málimetter osy jelide bar. Sol sebepten 1980-1990 jyldardyń aıaǵymen salystyrsaq, halyqtyń jaǵdaıy 5 ese nasharlap ketti. Endi osydan keıin negizin qalady dep aıtýǵa bola ma? Ókinishke qaraı, bul kisiniń aty Ata Zańda emes, qarǵys astynda qalady. Sondaı jaǵdaıǵa Qazaqstandy jetkizdi", - dedi Serik Ábdirahmanov.
