Aqmola oblysyndaǧy armian diasporasy Tigran Keosaiannyŋ kesapat sözı turaly aitty. Olar Keosaiannyŋ Qazaqstan halqynan keşırım sūrauyn qataŋ talap ettı, dep jazady "Adyrna" ūlttyq portaly orda.kz-ke sılteme jasap.
Ol Keosaiannyŋ mälımdemesınen keiın diasporanyŋ şyn aşulanyp, qazaq armiandaryn Keosaianmen şatastyrmaudy sūraitynyn tüsındırdı.
— Keosaianǧa Aqmola oblysynyŋ armiandary atynan aita ketkımız keledı, ol Armeniiada tudy ma, joq pa, ol būrynnan Resei azamaty boldy ma, ony eşkım bılmeidı. Öitkenı būl bız üşın qyzyq emes. Ol bızdı qyzyqtyrmaidy. Qymbatty qazaqstandyqtar, jerlester, aitarym, Qazaqstan turaly aitqan būl adam şeruge qatysty bızdı, äsırese armiandardy qatty qorlady, – deidı videoda «Bari» mädeni ortalyǧynyŋ orynbasary Arman Manukian.«Bari» armian diasporasynyŋ töraǧasy Norik Maglamian da Qazaqstan ūltqa bölınbegen köpūltty memleket, al qazaqstandyqtar ūly halyq dep sanaidy.
— Qazaqstanǧa kelgenımde Balqaş maŋynda tūrdym, qazaqtyŋ qandai halyq ekenın kördım. Bızde ūlt bolǧan joq, bız adam edık, bärımız de kürestık, jattyqtyq, futzalǧa bardyq, jattyǧyp, jügırdık, oqydyq, tıptı jaqsy tärbie aldyq, bügıngı künı de bız Qazaqstandy maqtan tūtamyz. Bız balalarymyzdyŋ bolaşaǧyn tek Qazaqstanmen bailanystyrǧymyz keledı, – dedı Manukian.
— Bır tentekke ärkım jauapty emes, qarttarymyz aitqandai, qisyq būtaqsyz orman bolmaidy. Sondyqtan men onyŋ Qazaqstanǧa kelıp, olardyŋ mūnda qalai ömır sürıp jatqanyn körgenın qalaimyn. Olardyŋ bır-bırıne qalai kömektesetını, qalai alaŋdaityny, bır-bırıne qalai qaraityny, ruhani sauyqtyratynyn jäne merekelerdıŋ qalai toilanatynyn körsın. Sen keşırım sūra. Mındettı türde halyqtan keşırım sūra. Eger sen keşırım sūramasaŋ, bız sen üşın keşırım sūraimyz. Senıŋ keşırım sūrauǧa da batylyŋ jetpeidı. Qazaq halqyna tiıspe! Taǧy da qaitalap aitamyn. Qazaqtardyŋ bılımı jetkılıktı, olar tıptı senıŋ betıŋe tükırmeidı, bıraq armiandar mındettı türde şaşyŋdy küzeidı, Keosaian, – dedı armian diasporasynyŋ ökılı.Olar bır ǧana Aqmola oblysynda ekı myŋnan astam armian tūratynyn, barlyǧy jaqsy ömır sürıp jatqanyn jäne eşqaida ketpeitının tüsındırdı. Keosaiannyŋ mälımdemesınen keiın Qazaqstan Syrtqy ıster ministrlıgınıŋ resmi ökılı Aibek Smadiiarov Tigran Keosaiannyŋ Qazaqstandy qorqytqan videosyna qatysty pıkır bıldırdı. Onyŋ atap ötuınşe, atalǧan rejisserdıŋ Qazaqstanǧa keluıne tyiym salynatyn adamdar tızımıne enuı äbden mümkın. Eske salsaq, Keosaian Qazaqstan biyl Jeŋıs künı şeru ötkızbeidı degen habarda «dostyq oiyndary aiaqtaldy» dep, endı «aman qalu mäselesı» oilaudy eskertken. Onyŋ pıkırınşe, Qazaqstan teketırestıŋ bır jaǧyn taŋdauy kerek, odan beitarap qalu nätije bermeidı eken.
"Adyrna" ūlttyq portaly
