Jambyl oblysynda áskerde qaza bolǵan sarbazdyń denesinen jaraqattar anyqtalǵan joq. Bul týraly baspasóz máslıhaty barysynda QR Qarýly kúshteri Bas shtaby bastyǵynyń orynbasary Serik Borambaev málim etti, dep habarlaıdy "Adyrna" ulttyq portaly inform.kz-ke silteme jasap.
«Ókinishke qaraı, 22 sáýirinde Gvardeısk áskerı qalashyǵynda ornalasqan gospıtalde ásker qataryna jańadan shaqyrylǵan qatardaǵy jaýynger Álibek Qalbaı qaıtys boldy. Ol jeke quramnyń sapqa turýy kezinde ózin nashar sezinip, esinen tanyp qalǵan. Medıına qyzmetkerleri jas sarbazdy qutqaryp qala almady. Marqumnyń ata-anasyna, týǵan-týysqandary men jaqyndaryna qaıǵyryp kóńil aıtamyz», - dedi Serik Borambaev.
Onyń aıtýynsha, qatardaǵy jaýyngerdiń qaza bolý sebebin anyqtaý maqsatynda arnaıy jedel-tergeý toby qurylǵan. Qajetti saraptamalar júrgizilýde.
«Sot-medıınalyq saraptama nátıjesinde, qaza bolǵanǵa deıin sarbazdan jaraqattar men kógerýler anyqtalmaǵan. Qazirgi ýaqytta teri qabattarynyń ózgerýi saraptama júrgizýmen jáne qaza bolýdyń bıologııalyq proesimen baılanysty. Tergeýdiń obektıvti júrgizilýine biz de múddelimiz. Sebebi barlyq satydaǵy komandırler baǵynysty áskerı qyzmetshilerdiń ómiri men densaýlyǵyna ata-analar men memleket aldynda jaýapty», - dedi QR Qarýly kúshteri Bas shtaby bastyǵynyń orynbasary.
Óz sózinde ol Qorǵanys mınıstrliginiń basshylyǵy eshteńeni jasyryp qalmaıtynyn, sarbazdyń atan-anasy men jaqyndary oqıǵadan keıin dereý áskerı bólimge baryp, uldary qyzmet atqarǵan bólimshedegi turmystyq jaǵdaımen tanysqanyn jetkizdi.
Esterińizge sala ketsek, osyǵan deıin QR Prezıdenti áskerde qaza tapqan Álibek Qalbaıdyń óliminiń sebebin anyqtaýdy tapsyrǵanyn habarlaǵan edik.
"Adyrna" ulttyq portaly
