Qorǵanys mınıstrligi eńbek dınastııalaryn qurý úshin jastardy kásiporyndarǵa tartyp, olardyń praktıkalyq bilimin jetildirýdi basym baǵytqa qoıyp otyr.
Bul týraly búgin qorǵanys jáne aeroǵarysh ónerkásibi kesheni mınıstri Beıbit Atamqulov májiliste ótken úkimet saǵatynda málimdedi, dep habarlaıdy Sputnik.
“Búginde otandyq qorǵanys ónerkásibi kesheni elektrondy, aqparattyq, ǵarysh tehnologııalaryn biriktiredi. Taıaý arada biz ekonomıkanyń ǵylymdy qajet etetin ónerkásip sektorlarynyń birine aınala alamyz. Bizdiń alańdarda jańa tehnologııalyq ınnovaııalyq sheshimder synaqtan ótkiziledi. Biz qazir bul baǵytta jumys istep jatyrmyz”, — dedi mınıstr.
Atamqulov qorǵanys ónerkásibiniń damýy sol salada isteıtin jumysshylardyń bilimi men biliktiligine baılanysty ekenin atap ótti.
“Jastardy oqytý, kásiporyndarda kásibı kadrlar daıarlaý, joǵary tehnologııalyq salanyń tiregine aınalatyn eńbek dınastııalaryn qurý – bizdiń basym baǵyttarymyzdyń biri. Biz taldaý jasadyq, qazir tálimgerlikkke oralyp jatyrmyz. Tálimgerlerdi yntalandyryp, qorǵanys ónerkásibi kesheninde kadrlyq áleýetti saqtaý úshin barymyzdy salýdamyz”, — dedi vedomstvo basshysy.
Mınıstrdiń aıtýynsha, qıyn-qystaý jyldary Qazaqstan kóptegen bilikti mamanynan aıyryldy.
“Ókinishke qaraı, qıyn-qystaý jyldary biz kóp aqyldy adamdy joǵalttyq: jer aýdardyq, zeınetke shyqty, sóıtip artynan ergen jastarmen tájirıbesimen bólise almady. Kásiporyndarǵa paıdany ǵana kózdegen, tez baıyp shyǵýdy oılaǵan menedjerler kelgen ýaqyt da boldy. Desek te, elin súıgen úzdik patrıot kadrlar qaldy. Olar qıyndyqqa tózip, bárine shydap, búginde solardyń arqasynda kásiporyndarymyz jumys istep tur”, — dep túıindedi sózin Atamqulov.
__________________________________________________________________________________________________________ stan.kz
