Mäjılıstıŋ 20 deputatyna jazyqsyz jala japqan Kairat Kudaibergen kımderdıŋ tapsyrmasyn oryndap otyr?!.
Atasynyŋ atyn da, özınıŋ atyn da qazaqşa jazuǧa sauaty jetpeitın Kairat Kudaibergen degen bıreu, özı Almaty qalalyq mäslihaty deputaty eken, özı “Amanat” partiiasy müşesı nege Almatydaǧy qazaqtarǧa on sotyq jer beruge qarsy?
Al bız de qarymta sūraqty osylai qoiaiyq!
Qazaqtyŋ eŋ köp baspanasyz jürgen jastary Almatyda.
Būl neme baspanasyz qazaqtarǧa on sotyq jer beru turaly zaŋnyŋ qalai oryndalyp jatqany turaly Almaty qalasy äkımdıgınen esep sūraudy mäslihatta nege kötermeidı? Ol turaly osy uaqytqa deiın nege oilamaidy?!.
Mümkın, būl baişykeş nemenıŋ odan da basqa “maŋyzdy” şarualardan qoly timei jürgen şyǧar.
Bıraq keşe Qaŋtar qyrǧynynda qazaq jastary alaŋǧa teŋdık sūrap şyǧyp, qyrylyp jatqanda, keiın tūtas qamalyp, azaptalyp jatqanda, sol jastardy qorǧap bır auyz söz aitqan joq mäslihatta. Bız astanadan Almatyǧa, Tarazǧa, Şymkentke, Taldyqorǧanǧa tb qalalarǧa kemınde üş ret kelıp, türmege kırıp, ärqaisysyn jeke qabyldap, jaǧdailarymen tanysyp, aryzdaryn araşa sūrap, Bas prokuraturaǧa jıberdık. Aqpan aiynda el aralaǧanda sol türmeden bosaǧan jıgıtterdıŋ ata-analary jylap tūryp rahmet aitty. Ol videolar “Qazaq ünı”ūlttyq portalynda jariialandy.
Al paraqşasynyŋ 75 paiyzy orysşa, videosynda Qazaqstannnyŋ memlekettık tılın taptap, tek 100 paiyz Reseidıŋ memlekettık tılınde qaqsap otyratyn, jinalystaryn tek orys tılınde jürgızetın Kairatiktıŋ sol qaŋtar qyrǧynynda “Jabaiy Armannyŋ” janynda jarbaŋdap, aiaǧyna kebısın qoiyp, qolyna su qūiyp jürgenı internette tarap kettı… Keiın, būlar ol jerden joq bolyp kettı de, qalǧan qazaq jastary arandap qaldy...
Men būlardyŋ bärın aitar ma edım, aitpas pa edım, jaqynda deputat bloger, Kairat haipajor ötırıktı şyndai, şyndy qūdai ūrǧandai etıp, bıraz ottapty.
Parlamentte bız, Mäjılıstıŋ jetınşı şaqyrylymy deputattary kelmei jatyp, 2020 jyly bukmekkerlıktı qoldaǧan zaŋ qabyldanyp ketkenıne parlamentke odan bır jyl keiın, 2021 jyly kelgen bızdı, äleumettık-mädeni komitettıŋ 20 deputatyn kınälap şyǧypty…
1.Bırınşıden, ol bukmekkerlık turaly zaŋ bızge deiın būrynǧy altynşy şaqyrylym kezındegı qūramda 2020 jyly daiyndalǧan.
2.Ekınşıden, ol zaŋ būrynǧy qūramda qabyldansa da, Kairatik bosqa jala jauyp jatqandai, äleumettık-mädeni komitette emes, ekonomikalyq komitette qabyldanǧan.
Sonda mūny, parlament saityn aşa salsa da, guglden qarai salsa da mektep balasy da bıle alatyn mälımettı mäslihat deputaty Kairat myrzanyŋ bılmeuı , būl baryp tūrǧan sauatsyzdyq! Almatydai saiasi-mädeni ordanyŋ mäslihaty deputatynyŋ atyna ūiat jauapsyzdyq!
Älde, bılıp tūrsa da, laqtyrǧan tasyn ekonomika komitetınen äleumettık-mädeni komitetke būra saluy, aqşanyŋ iısı şyqqan jerge aiaǧyn aŋdap basatyn baişykeş neme erteŋ tender-pender degendei, ekonomika komitetıne ısı tüsıp qalatyn bolǧasyn, atyna kır keltırmei, ainalyp ötken bolar… Sonda būrynǧy bilıkpen bıte qainasqan, būrynǧy Nūrotannyŋ, qazırgı “Amanattyŋ” deputaty Kairatik kımderdıŋ amanatyn, iaǧni tapsyrysyn oryndap otyr?!.
3.Üşınşıden, tura osy äleumettık-mädeni komitet deputaty Elnur Beisenbaev bukmekkerlıkke qarsy deputattyq saual jariialady komitet atynan.
4. Törtınşıden, qazır äleumettık-mädeni komitette jastar turaly zaŋ qaralyp jatyr. Sol bızge deiın qabyldanǧan bukmekkerlıktı qoldaityn bapqa osy zaŋ jobasynda tosqauyl qoiylmaqşy. Iаǧni, Kairat Kudaibergen äleumettık-mädeni komitetı deputattaryna jala jabudyŋ ornyna alǧys aityp, qoldauy kerek emes pe, qiynnan qiystyryp jatqandary üşın, eger şynymen bukmekkerlıkke qarsy bolsa?!. Joq, onyŋ būl aibaraq tırlıgı ädettegıdei közboiauşylyq pa?!.
Meilı ǧoi, soǧa bersın, sanasy soǧan jetse, saǧyzyn şainai bersın Kairat myrza. İä, şainai bersın, bıraq halyqqa jalǧan aqparat beretındei, adastyratyndai, olardy qasiettı oraza kezınde jazyqsyz deputattarǧa balaǧat aitqyzyp, künähar qylatyndai, qarapaiym halyqtyŋ ne kınäsı bar?
Äitpese, būǧan “Amanat” partiiasy öz ärıptesterın jazyqsyz jamanat etu üşın ǧana bergen joq qoi deputattyq mandatty?!.
Aitpaqşy, būl neme qaralaǧan Mäjılıstegı äleumettık-mädeni komitetınıŋ 20 deputatynyŋ 99 paiyzy, iaǧni, “Amanat” partiiasynyŋ 19 deputaty mäslihattaǧy partiialastary Kairat Kudaibergendı jala japqany üşın mäselesın maişammen qarauǧa partiia basşylaryna aryz jazuda… Sotqa berıp te qaluy bek mümkın…
Qaŋtar qyrǧynynda eŋ köp zardap şegu, eŋ köp qūrbandyq, eŋ köp türmege tüsu Almaty qalasynda boldy. Sondyqtan da deputat Kairat Kudaibergen arandap, türmege tüsıp, jazyqsyz azaptalǧan qazaq jastarynyŋ jaǧdaiyn aityp, mäslihatta köteruge bolady ǧoi? Onyŋ üstıne ol özı taǧy QR Prezidentı janyndaǧy Jastar saiasaty keŋesınıŋ müşesı!?.
Al bız Jaŋaözen ereuılı bastalǧannan bastap beibıt şeruşılerdı qoldap, jazyqsyz tūtqyndalǧan jastarǧa araşa tüsıp, künde efirge şyǧyp, onşaqty maqala jazyp, parlamentte üş ret köterdık. Aqyrynda 14 nauryz künı Bas prokurordan bastap, bükıl küştık qūrylymdar, qūzyrettı organdar basşylaryn parlamentte esep bergızuge qol jetkızdık.
Bız Almatyǧa kelıp, aqpannyŋ aiazynda suyq türmelerdı aralap, jazyqsyz tūtqyndalǧandardy bosatyp, olardyŋ jylap jürgen ata-analaryn jūbatyp jürgende, Kairat myrza Dubaida künge qyzdyrynyp, şomylyp, jaǧajaida şaǧylda şalqasynan jatyp, Diki Armannyŋ atqosşysy bolyp jürgendıkten jauap aluǧa şaqyrǧan qūqyq qorǧau oryndaryna äleumettık jelıden sälem joldap jatady… Qalai ömır sürudı bıledı, ärine!
Kairatiktıŋ deputattarǧa jala japqan feisbuk pen instagram postynyŋ astynda közı aşyq el bızdı qoldap, köptegen pıkır jazuda. “El qamyn oilap, tıl zaryn aityp jürgen aqyn Qazybek İsanyŋ ondai zaŋdy qoldauy mümkın emes”, “Amanjol Ältai keşe ǧana keldı emes pe, qalai ondai zaŋdy qabyldap ülgergen?”-degen, tb belsendı deputattarymyzdy da araşalap jatqan halyqtyŋ pıkırlerınde Kairatbaidyŋ şaruasy da joq! Tıptı menıŋ onyŋ atyn belgılep tūryp jazǧan: “Men bukmekerlıkke baiaǧydan qarsymyn jäne “Qazaq ünı” gazetınde būǧan qarsy maqala da jazǧanbyz! Sondyqtan, Kairat Kudaibergen myrza, būndai kümändı tızım jasap, oǧan menıŋ, bızdıŋ atymyzdy qosuyŋyz, bırınşıden qyp-qyzyl jala, öitkenı komitet būndai zaŋ qabyldaǧan joq, ekınşıden eşqandai etikaǧa syimaidy. Sondyqtan, menıŋ atymdy, iaǧni tügel tızımdı alyp tastauyŋyzdy talap etemın!
Bızge ondai zaŋ kelgen joq jäne eşkım menen ol turaly pıkırımdı sūraǧan emes."-degen jazbama da jyltyraǧan betı bır bylq etpedı-au sabazdyŋ…
Būl nemenıŋ bızge, deputattarǧa taǧatyn kınäsın qarasaŋyz külkıŋız keledı…
“Däl osy kısıler bukmekkerlerdıŋ, loto, bingolardyŋ müddelerın qorǧap jür. Qalai qoldap jür deseŋız, eŋ bırınşıden osy sūraq boiynşa nemqūrailyǧymen”-dep soǧyp otyr bazardaǧy syǧan qatyndardai sypyldap bal aşyp…
Al būndai jala būdan bırer jyl būryn bukmekkerlerge qarsy maqala jazǧan bızdı küidırıp jıberetın qaralau ǧoi!
Osydan ekı jyl būryn memleket qazynasynan trillion ünemdegenı üşın türmege tüsken belgılı qairatker İslam Äbışevke jalaqor tergeuşıler men solaqai sottardyŋ taqqan aiybyn oqyp, taŋǧalyp edık. “Ol para aluǧa oqtaldy nemese para aludy oilady”-degen bap ta bolady eken bızdıŋ Qylmys kodeksınde)))). Sondai soraqy aiyptaumen bes jyl arqalatyp jıbergen edı… Keiın sol sotyŋ da, arandatuşy tergeuşıŋ de, jala jabuşy jandaişaptar da özderı qylmys üstınde ūstalyp, sottalyp kettı. Endı bırı şetelde qaşyp jür… Al İslam aǧamyz maŋdaiy jarqyrap eldıŋ ortasynda jür. Qūdai bar degen osy eken ǧoi!
Sol sekıldı qūdai Qūdaibergenūlyn sot ne tergeuşı qylmaǧanyna qūdaiǧa şükır. Äitpese, bızden ekı jyl būryn qabyldanyp ketken zaŋdy sol kezde bız deputat bolmasaq ta, aidalada jürıp, “nemqūrailylyqpen qoldaǧanymyz” üşın qanşama jyl arqalap keter edık))).
“Estımegen elde köp” degen osy!))).
“Bıreuge küie jaqsaŋ, öz qolyŋ qap-qara bolady”-degendei, bıreu emes 20 parlament deputatyna küie jaǧyp, qoldary äbden qap-qara bolǧan Kairat Kudaibergen Qūdaidyŋ aldynda qalai aqtalady eken erteŋ?..
Qūdaiǧa qūlşylyq jasaityn Qasiettı Ramazan aiynda bıreumen ūrysu tügılı eşkımge ökpeleuge, renjuge bolmaidy. Qaita būryn renjısıp jürgen adamdar bır-bırımen keşırım sūrasyp, tatulasuy tiıs!
Bıraq Kudaibergennıŋ qūdai bergen balasynyŋ qūdaida da şaruasy joq siiaqty…
“Qūdaidan qoryqpaǧannan qoryq” degendı tauyp aitqan atam qazaq dana ǧoi…
Qasiettı Ramazan aiy bolǧandyqtan, men bızge jala japqan Kairat Kudaibergenge degen renışımdı osymen keştım…
Jalpy, oǧan bola renjuge de tūrmaityn bıreu ekenıne közım jettı, paraqşasyn qarap otyryp…
Al “Amanattyqtar” öz ärıptesterın ne ısteitının, mäslihatta bailyqtyŋ buyna mastanyp, eşkımdı tyŋdamaityn, oiyna ne kelse, sony ıstep, auzyna ne kelse, oilanbai sony aita salatyn deputattaryn ornyna qoia ma, joq, “aqşaŋ bolsa qaltaŋda- taltaŋdasaŋ, taltaŋda” degendei tairaŋdatyp qoia bere me, ony özderı bılsın. Būl olardyŋ özderınıŋ partiialyq ışkı şarualary.
On ekı aidyŋ sūltany - qasiettı Ramazan aiynda ūstaǧan orazamyz qabyl bolsyn!
El aman, jūrt tynyş bolsyn!
Qazybek İSA
Facebook paraqşasynan
Ūqsas jaŋalyqtar
