Buǵan deıin 10 táýlikke qamaýǵa alynǵan vaıner Meıirjan Tórebaev ózin "uryp-soǵyp" kýálik alý úshin qamaýǵa alynýy múmkin ekenin aıtty, dep habarlaıdy “Adyrna” ulttyq portaly QazTAG saıtyna silteme jasap.
"Men, Meıirjan Tórebaev, ózimniń qarjylyq pıramıdaǵa qatysym joq ekenin aıtqym keledi. Barlyǵy (qamaýda otyrǵandar) meniń 10 táýlikke qamalǵanyma tań qalýda. Bul dáleldiń joqtyǵynan. Burynnan otyrǵandar meni munda ádeıi moıyndatý úshin qamaýǵa alǵanyn aıtady. Bulaı bolmaıdy dep úmittenemin, nátıjesin 10 kúnnen keıin kóremiz", - dep jazǵan Meıirjan, ýaqytsha ustaý ızolıatorynan advokaty Erlan Mákenov arqyly bergen hatynda.
Advokattyń aıtýynsha, vaınerdiń ózi jazbany jarııalaýdy ótingen.
"Tórebaev Meıirjan jazyqsyz! Búgin Almatyda zardap shekkenderdiń baspasóz máslıhatynda jábirlenýshiler, sonyń ishinde jábirlenýshi Dosmaılova Baǵıla da osylaı deıdi. Jábirlenýshilerdiń sózinshe, vaınerdi qarjylyq pıramıda qurdy dep aıyptaý polıııa departamenti qyzmetkerleriniń ıdeıasy", - dep túsindirdi Mákenov.
Sondaı-aq, ol bultartpaý sharasyn 10 táýlikke qamaýǵa alý sheshimine ózgertý óte tańqalarlyq jáne sırek kezdesetin sot sheshimi ekenin, sondaı-aq Meıirjannyń bultartpaý sharasyn ózgertýge negiz bolmaǵanyn atap ótti.
“10 táýlikke qamaýǵa alýdy taǵaıyndaý is júzinde organ qamaýǵa alý úshin jetkiliksiz dáleldemelerdi usynyp, sol arqyly sotqa deıingi tergep-tekserý organdaryna qosymsha dáleldemeler alýǵa ýaqyt bergende ǵana qoldanylady. Óz atymnan qosyp óterim, Meıirjan shynymen ázilge jaqyn jigit, ol kóńil-kúıin túsirmeı, ádildik ornaıtynyna senedi jáne úmittenedi", - dep túıindedi zańger.
”Adyrna” ulttyq portaly
