Óskemende konıak pen araqty qoldan jasaǵandar ustaldy, - dep habarlaıdy “Adyrna” ulttyq portaly QR Qarjy mınıstrligi Memlekettik kirister komıtetiniń baspasóz qyzmetine silteme jasap.
"2022 jyldyń 20 sáýirinde ShQO Memlekettik kirister departamentiniń qyzmetkerleri Ekonomıkalyq tergeý departamentiniń qyzmetkerlerimen birge Óskemen aýdandarynyń birinde alkogol ónimin zańsyz, antısanıtarııalyq jaǵdaıda óndirý deregin anyqtady", - delingen habarlamada.
Tekserý barysynda mamandar 2145 bótelke "Túrkistan" konıagyn, 12 945 dana konıak ónimderin, 620 bótelke "OShA" araǵyn, 4 myń bos bótelke, 15 myń araq qalpaqshasyn, qaqpaqtardy japsyrýǵa arnalǵan eki qurylǵyny jáne 500 lıtrden astam spırt bar plastıkalyq ydysty anyqtady.
"Fakt Qylmystyq kodekstiń 233-baby "Akızdeletin taýarlardy sáıkestendirý quraldarymen jáne (nemese) esepke alý-baqylaý markalarymen tańbalaýdyń tártibi men qaǵıdalaryn buzý, sáıkestendirý quraldaryn jáne (nemese) esepke alý-baqylaý markalaryn qoldan jasaý jáne paıdalaný" boıynsha tirkeldi. Sondaı-aq ÁQBtK-niń 463-baby "kásipkerlik nemese ózge de qyzmetpen aınalysý, sondaı-aq tıisti tirkeýsiz, ruqsatsyz nemese habarlama jibermeı is-áreketterdi júzege asyrý" boıynsha ákimshilik is júrgizýdi bastady.
Alkogol ónimderi men spırttiń zańsyz aınalymy el ekonomıkasyna aıtarlyqtaı zııan keltiredi jáne halyqtyń densaýlyǵy men ómirine qaýip tóndiredi", - dep túsindirdi vedomstvo.
“Adyrna” ulttyq portaly
