Májilis depýtaty Azat Perýashev bıýdjetten qajetsiz shyǵyndar ketip jatqanyn málimdedi, dep habarlaıdy “Adyrna” ulttyq portaly.
«Bıýdjettiń tıimsiz shyǵyndaryn qysqartý. Qazirdiń ózinde qańtar oqıǵasynan eshnárse úırenbegen sheneýnikterdiń eski amaldary men eski tábetin jıi kóremiz. Máselen, Mııaly aýylynda 2 avtokólikke arnalǵan órt sóndirý deposynyń qurylysyna 584 mln teńge josparlanǵan, ıaǵnı bir mıllıon úsh júz myń dollar. Mıllıon dollarǵa eki kólikke arnalǵan boks emes, jarty aýyl satyp alýǵa bolady. Osy máselelerdi frakııada talqylaǵan kezde aýdandyq máslıhat depýtattarynyń biri onyń ornyna 100 mln qosyp, úsh aýysymnyń ornyna tolyqqandy aýyl mektebin salýǵa bolatynyn aıtqan edi. Biraq shyǵyndy negizdeýdi suraǵan kezde barlyǵy «jobalyq-smetalyq qujattamada kelisilgen, saraptama da maquldanǵan» dep jaýap beredi. Bul baılamnyń qalaı jumys isteıtinin bári burynnan biledi: tapsyrys berýshi – jobalaýshy-merdiger, olardyń árqaısysy jobanyń qunyn «kóbeıtýge» múddeli», – deıdi ol.
Perýashevtyń aıtýynsha, el bıýdjetinde kúmán týdyratyn shyǵyndar kóp.
«Iaǵnı, biz óz balalarymyzǵa qaraǵanda legıonerlerge 80 ese kóp aqsha bólemiz. Taǵy bir másele, mınıstrlikterdiń kóbisi ártúrli zertteýler men keńes berý shyǵyndarynan bas tartady. Bul durys, sebebi saladaǵy jaǵdaıdy taldaý jáne túsiný mınıstrlikter men olardyń qyzmetkerleriniń tikeleı mindetterine kiredi. Alaıda ıfrlyq damý mınıstrligi kenetten konsaltıngke 953 mıllıon teńge, al Ulttyq ekonomıka mınıstrligi jalpy 1,5 mıllıard jumsaý týraly sheshim qabyldady», - deıdi Perýashev.
