Qazaqstan men Ózbekstan birlesip latyn grafıkasymen gazet shyǵarmaq

2289
Adyrna.kz Telegram

Uly aqyn Abaı Qunanbaevtyń týǵan kúnine oraı latyn grafıkasymen alǵash ret qazaq-ózbek tilderinde gazet shyǵarý josparlanyp otyr, dep habarlaıdy «QazAqparat» HAA tilshisi.

Bul týraly Halyqaralyq Túrki akademııasy men ÓR Jazýshylar odaǵynyń kezdesýinde Qazaqstan Respýblıkasynyń Ózbekstandaǵy Tótenshe jáne ókiletti elshisi Erik Ótembaev málim etti:

–Búgin biz birlesken kitap-jýrnaldardy ázirleý isine jaqsy negiz bolatyn yntymaqtastyqtyń ózekti máselelerin talqyladyq. Latyn grafıkasymen basylatyn birlesken gazetti shyǵarý jóninde kelisimge qol jetkizildi. Bul máselede Ózbekstannyń tájirıbesi, jaqsy ádisnamalyq negizderi bar. Latyn grafıkasymen jańa shyǵarmalardy shyǵarýǵa bolady. Bul oqyrmandarǵa Ózbekstan jáne Qazaqstan ómiri týraly kóbirek bilý múmkindigin beredi. Budan tys, eki eldiń jazýshylar odaǵynyń ortaq tarıhyn sıpattaıtyn ári shyǵarmashylyqpen aınalysatyn búkil zııaly qaýymǵa arnalǵan jol kartasyn jasaý máselesin qaradyq. Biz eki halyqtyń bolashaǵyn kórsetýimiz qajet. Ondaı jol kartasy jańa týyndylardyń ómirge kelýine túrtki bolyp, tamam halyqqa qoljetimdi bolady. Ústimizdegi jyldyń tamyz aıynda, uly aqyn Abaı Qunanbaevtyń týǵan kúnine oraı alǵashqy gazetti shyǵarýdy josparlap otyrmyz. Sonymen qatar, ÓR prezıdentiniń qaýlysymen jyl saıyn «Abaı oqýlary» ótkizilmek.


QazAqparat

Pikirler