"Qańtar búligine" qatysqany úshin $20-dan $100-ǵa deıin tólendi, dep málimdedi Bas prokýratýranyń birinshi qyzmet bastyǵynyń orynbasary Eldos Qılymjanov. Bul týraly "Adyrna" ulttyq portaly"QazTAG" aqparat agenttigine silteme jasap habarlaıdy.
«Qańtar oqıǵasynyń uıymdastyrýshylary men qatysýshylaryn anyqtaý jáne jaýapkershilikke tartý boıynsha tergeý belsendi júrgizilýde. Máselen, Almaty oblysynda Taldyqorǵan qalasynda tártipsizdikterdi qarjylandyrǵan, sonymen qatar azamattardyń múlkine zııan keltirýge jáne memlekettik nysandardy basyp alýǵa yqpal etken «O» jáne «N» azamattary anyqtaldy. Búlikke qatysqany úshinbir adamǵa $20 - dan $100-ǵa deıin tólendi», - dedi Qılymjanov seısenbi kúni ótken brıfıngte.
Onyń aıtýynsha, «bul faktiler tergeý barysynda anyqtaldy jáne jappaı tártipsizdikterge qatysty degen kúdikke ilingen tulǵalardan jaýap alý arqyly rastalady».
«Jambyl oblysynyń turǵyny Almaty qalasynda 2022 jyldyń 4 qańtarynda Telegram arnasyn ashyp, birneshe saǵat ishinde birneshe myń qatysýshy jazyldy. Osy Telegram arnasy arqyly onyń qatysýshylary barrıkadalar qurý, Molotov kokteılderin jasaý, quqyq qorǵaý organdarynyń qyzmetkerlerine qarsylyq kórsetý jáne ǵımarattardy basyp alý týraly egjeı-tegjeıli nusqaýlyq aldy. Odan keıin 5 jáne 6 qańtarda búlikshilerdiń qozǵalysy jáne olardyń Jambyl oblysyndaǵy memlekettik nysandarǵa shabýylyn túzetý týraly aqparat kórsetilgen arna arqyly jiberildi», - dedi qadaǵalaýshy organ ókili.
"Adyrna" ulttyq portaly
