MARAT BÁIDILDAULY: Qazaqstanda "Bessmertnyı polk" akııalaryna tyıym salynsyn!

3526
Foto: total.kz
Foto: total.kz

Qazaqstan Qorǵanys mınıstrligi bıyl qarjylyq máselelerge baılanysty áskerı parad ótkizbeıtin boldy. Bul óte durys qadam dep esepteımiz. Qazaqstan úshin 9-mamyr Jeńis kúni emes. Bul resmı túrde Ekinshi jahan soǵysy qurbandaryn eske alý kúnine aınalǵany jón bolmaq. 

Qazaqstandaǵy reseıshil kúshter bul kúnderi «Bessmertnyı polk» sııaqty shabashty uıymdastyrýdy qolǵa alyp jatýy ábden múmkin. Mundaı psıhoz ulyderjavalyq shovınızm men ımperııalyq astamshylyqtyń otyna maı quıady. Byltyr ol Reseıde onlaın rejımde ótken. Bıyl agressor memleket Ýkraınaǵa qarsy basqynshylyq «áskerı operaııasy» kezinde jeńilip jatqan tusta áskerı psıhoz ábden órshýi yqtımal. Biraq qalaı bolǵanda da Qazaqstanda «Bessmertnyı polk» akııasyna tosqaýyl qoıylýy qajet.

Maıdangerlerdi eske alamyz degen jeleýmen sovet-german soǵysynda qaza tapqan ata-babalarynyń sýretin tóbesine kóterip sherý ótkizý qazaq úshin tapqyrlyq emes. Bul SSSR-di qalpyna keltirýdi armandaǵan pýtlerlik bıliktiń ıdeologııalyq aıla-sharǵysy.

Biz bolsaq musylman halyqpyz. Tóbesine sýretin kótermek túgili beıitiniń basyna sýret salýǵa tyıym salynǵan. Sharıǵat joly boıynsha sýretterdi tóbege kóterip qurmetteý bul – sýretke tabyný. Al dinimizde Alladan basqaǵa tabynýshylyqty shırk deıdi. Bizge eń keregi – 9 mamyrda meshitterde, otbasylarynda maıdanda qaza tapqan, soǵysta alǵan jaraqattarynan keıin qaıtys bolǵan kúlli maıdangerlerge, ákelerimiz ben atalarymyzǵa baǵyshtalyp Quran oqylýy. «Óli razy bolmaı, tiri baıymaıdy» degenimiz sol.

Qazaqstandaǵy separatıstik pıǵyldaǵylar qalǵyp otyrmaǵany taǵy anyq. Burynǵy áskerı qyzmetker Qýat Ahmetovtyń aıtýyna qaraǵanda «Bessmertnyı polk» akııasyn belsendi túrde uıymdastyrýshylardyń biri Almaty qalasyndaǵy Aýǵan soǵysy ardagerleri men múgedekteri uıymdary úılestirý keńesiniń tóraǵasy Murat Ábdishúkirov degen bireý kórinedi. 2019 jyly álgi osy akııamen 150 myń adam shyǵaramyn dep ózeýregeni, artynan 130 myń adam shyǵardym degeni de este. Jalpy aýǵan soǵysy ardagerleri uıymdary «Bessmertnyı polkke» baılanysty óz ustanymdaryn ashyqtan ashyq jarııalaıtyn kezi keldi. Halyq kimniń kim ekenin bilýi kerek.

Al resmı oryndar keshegi SSSR-diń ımperııalyq astamshylyǵyn tý etken «Bessmertnyı polk» sııaqty akııalardy remı toqtatqany, keshegi kolloborıonıst vlasovshylardyń aıyrym belgisi georgıev lentasyn taǵýǵa resmı tyıym salǵany jón!

"Adyrna" ulttyq portaly 

Pikirler
Redakııa tańdaýy