Resei Kommunistık partiia fraksiiasynyŋ jetekşısı Ziuganov Memlekettık Dumada söz söiledı. Onda Reseidegı soŋǧy jaǧdailardan keiın el ekonomikasynyŋ bırşama tömendegenın aita kettı, dep habarlaidy «Adyrna» tılşısı.
«Edinaia Rossiianyŋ» esıne salǧym keledı, eger sız sol kezde bızdı tyŋdaǧanyŋyzda, şeteldık bankterde 300 milliard dollar būǧattalmaǧan bolar edı. Reseiden 600 tonna altyn şyǧarylmas edı. Soŋǧy 8 jylda azamattardyŋ tabysy 12 paiyzǧa tömendedı. Al halyqtyŋ 32 paiyzynyŋ tabysy eŋ tömengı künkörıs deŋgeiıne de jetpeidı. Mūndai jaǧdaida ömır süru mümkın emes. Eldıŋ joiyluyn qalai toqtatuǧa bolady?», - dedı Ziuganov.Sonymen qatar, ol mūnai-gaz salasynda da qūral-jabdyqtardyŋ tozuy 60 paiyzǧa jetkenın aita öttı. Aituynşa, tūrǧyn üi-kommunaldyq şaruaşylyq salasy negızgı kapitaldyŋ 30 paiyzyn qūraidy. Al injenerlık jelılerde soŋǧy 20 jylda apat körsetkışı 5-6 esege ösken.
«İnjenerlık mamandyqtyŋ bedelı tüstı. İnjenersız maşina men qūral-jabdyq joq. Mūǧalım jäne därıger mamandyǧynyŋ da bedelın joq. Qūdaiǧa şükır, äskeri mamandyqtyŋ bedelı az da bolsa qalpyna keltırıldı», - dedı ol Memlekettık Dumada.Ziuganov būdan bölek, orys tılınıŋ qoldanu aiasy tüsıp bara jatqanyn mälımdedı.
«Ne bızde barlyq qūndylyqtarymen orys älemı bolady, nemese olar bızge Amerikany tanytady. Mäskeudı aralap qarasaŋyz, jartysy aǧylşyn tılınde söileidı. Orys tılın mūndai qorlauǧa nege jol beredı?», - dep mälımdedı.
«Adyrna» ūlttyq portaly
Ūqsas jaŋalyqtar
