Orystar Ádilet mınıstrinen ulty men famılııasyn ózgertýge bola ma degen saýal joldady, dep habarlaıdy “Adyrna” ulttyq portaly.
Vıktor Kalgın esimdi Azamat óz ótinishinde bylaı jazǵan:
«Reseı armııasy Ýkraınaǵa basyp kirgenin eldiń bári bilip, kórip otyr. Osynyń kesirinen dúnıejúzinde orystarǵa degen teris kózqaras qalyptasyp jatyr. Qazir búkil álem qaı elde turyp jatqanymyzǵa, Reseıdiń áskerı operaııasyna kózqarasymyzǵa qaramastan, orys ekenińdi bilse teris aınalady. Kóp adam orys bolǵany úshin uıalatyn jaǵdaıǵa jetti. Keıbirimiz ómirimiz men densaýlyǵymyz úshin qorqa bastadyq. Eger orys adamdy túrine qarap, eýropalyq násildiń basqa ókilderinen aıyrý qıyn bolsa, onda onyń famılııasyna qarap, tez aıyrýǵa bolady. Sebebi orystardyń kóbisiniń ata-tegi -ev, -ov, -ın jalǵaýlarymen aıaqtalady. Bolashaqta men Eýropaǵa týrıstik sapar jasaýdy josparlaǵanmyn. Endi meni orys bolǵanym úshin qonaqúı, dámhana, dúken men basqa da oryndarda jekkóre me dep qorqamyn. Qazir Eýropada turatyn orystarda sondaı jaǵdaı bolyp jatyr eken» dep jazǵan Vıktor Kalgın.
«Men famılııam men ultymdy aýystyrǵym kelip otyr. Biraq qalaı aýystyrýdy bilmeı otyrmyn. Famılııamen men ultymdy aýystyrýǵa múmkindik bar ma?» – dep surady ótinish ıesi.
Qanat Mýsın:
«Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly zańynyń «Aýdandyq (oblystyq mańyzy bar qalalyq) ákimdiktiń quzyreti» atalatyn 31-babynyń 1-bóliminiń 2-2 tarmaqshasyna sáıkes, jergilikti aýdandyq nemese qalalyq ákimdik Qazaqstan zańnamasynda belgilengen tártippen azamattyq hal aktilerin tirkeýdi júzege asyrady jáne tirkeý týraly málimetterdi Jeke tulǵalar týraly memlekettik derekqorǵa engizedi. Osyǵan baılanysty máseleńizdi sheshý úshin óz óńirińizdiń ákimdigine júginýge keńes beremiz», – dedi ol.
”Adyrna” ulttyq portaly
