Belgili mánerlep syrǵanaýshy Denıs Tenniń ólimine baılanysty dep sottalǵan Janar Tolybaeva bostandyqqa shyqty, dep habarlaıdy “Adyrna” ulttyq portaly IIM qylmystyq-atqarý júıesi komıtetiniń baspasóz qyzmetine silteme jasap.
Tolybaeva 2021 jyldyń jeltoqsanynda QAJ mekemesinen shyǵarylǵan. Ol 2019 jyly qylmys týraly habarlamaǵany úshin 4 jylǵa bas bostandyǵynan aıyryldy. Kolonııada júrip, balasyn dúnıege ákeldi.
Qaıǵyly oqıǵa 2018 jyldyń 19 shildesinde Almatyda bolǵan. Denıs kafeden shyǵyp, kóliginiń aınalaryn eki jigittiń urlap jatqanyn kóredi. Qasha jónelgen olardy qýyp jetken sportshyǵa bir ury jambasynan pyshaq salady. Nátıjesinde arterııa zaqymdalyp, qan qóp ketedi. Keıin aýrýhanada kóz jumdy.
Sot 2019 jyldyń basynda sportshynyń ólimine qatysty sottalǵandarǵa úkim shyǵardy.
Arman Qudaıbergenov "Urlyq", "Qaraqshylyq" jáne "Adam óltirý" boıynsha aıypty dep tanylyp, 18 jylǵa sottaldy. Nuraly Qııasovqa "Adam óltirý" jáne "Qaraqshylyq" baptary boıynsha 18 jylǵa bas bostandyǵynan aıyrý jazasy kesildi.
Janar Tolybaeva "Qylmys týraly habarlamaý" boıynsha kináli dep tanyldy. Ol 4 jylǵa bas bostandyǵynan aıyryldy. Is barysynda onyń júkti ekeni belgili boldy. Ol ekinshi balasyn túrmede bosandy. Ol jazasyn balasymen birge Almaty oblysy Jaýǵashty aýylyndaǵy LA-155/4 túzetý mekemesinde ótedi.
Tolybaeva balasyn bosanǵannan keıin bir jyldan astam ýaqyt bostandyqta bolǵan, alaıda kolonııanyń sot alqasynyń ýaqytynda marqumnyń týystaryna sottalýshynyń sotqa ótinish túsirgeni týraly eshqandaı eskertý jibermegendikten qaıta toǵytylǵan.
"Zań boıynsha aýyr qylmys kezinde jazanyń úshten bir bóligin ótep, shyǵýǵa bolady. Eger eshqandaı zańbuzýshylyq bolmasa, túrme ishindegi tártip jaqsy bolsa, jazany jeńildetedi. Osy merzimdi ótegennen keıin sotqa aryz jazdym. Balamen bul jerde otyrǵan maǵan da ońaı emes. Sot sheshimimen meniń jazam 73-bap boıynsha bas bostandyǵyn shekteýge aýystyryldy. Biraq 1 jyl 3 aıdan keıin qaıtadan osy jerge, jalpy kolonııaǵa oralyp otyrmyn", - degen edi Tolybaeva Sputnik Qazaqstanǵa bergen suhbatynda.
“Adyrna” ulttyq portaly
