Ýkraına prezıdenti Vladımır Zelenskııdiń sózinen keıin Norvegııa Ýkraınaǵa Reseı agressııasynan qorǵaný úshin áskerı kómek kórsetetinin málimdedi. Atap aıtqanda, Ýkraına Qarýly kúshterine 4 myńǵa jýyq tankige qarsy qarý-jaraq jetkiziledi, dep jazady "Adyrna" ulttyq portaly.
Norvegııa Qorǵanys mınıstrligi Ýkraınaǵa 2 myń M72 tankke qarsy qarý-jaraq jetkizgenin habarlady. M72 LAW-bir ret qoldanylatyn tankke qarsy granatometke uqsaıtyn jeńil tankke qarsy qarý.
Ýkraına prezıdenti Vladımır Zelenskıı Norvegııa parlamentiniń aldynda sóılegen sózinde memleketti NASAMS zenıttik zymyran júıesi men "Garpýn" kemege qarsy zymyrandarmen qamtamasyz etýge shaqyrdy.
«Sizder qamtamasyz ete alatyn barlyq qarýlar tek bizdiń jáne sizderdiń bostandyqtaryńyzdy qorǵaý úshin paıdalanylady», - dep sendirdi Memleket basshysy.
"Adyrna" ulttyq portaly
