Qaǵazbastylyqqa jol bermeı, shuǵyl sharalardy qolǵa alýymyz kerek! - Toqaev mańyzdy málimdeme jasady

6591
Adyrna.kz Telegram

Aqorda rezıdenııasynda Prezıdent Qasym-Jomart Toqaevtyń tóraǵalyǵymen qarjy-ekonomıka salasyndaǵy meılinshe ózekti máseleler jóninde keńes ótti. Bul týraly "Adyrna" ulttyq portaly habarlaıdy.

Memleket basshysy álemdegi geosaıası jaǵdaıdyń qubylmaly bolýy bizdiń ekonomıkamyzǵa aıtarlyqtaı áser etkenin atap ótip, memlekettik organdardyń úılesimdi ári tıimdi jumys isteýi qajet ekenin aıtty.

– Jaǵdaı kún saıyn ózgerýde, óte qubylmaly kezeń. Sondyqtan biz barlyq syn-qater men múmkindikti naqty ári tez anyqtap, ár qadamymyzdy nyq basýymyz kerek. Qabyldanatyn sheshimder barynsha salmaqty bolǵany jón. Biraq, sozbalańǵa salmaı, shuǵyl sharalardy qolǵa alýymyz kerek. Qaǵazbastylyqqa jol bermeý qajet, – dedi Qasym-Jomart Toqaev.

Jıyn barysynda Premer-Mınıstr Álıhan Smaıylov ekonomıkanyń qazirgi jaǵdaıy men onyń damýyna qatysty boljamdar týraly baıandady. Ulttyq bank tóraǵasy Ǵalymjan Pirmatov qazirgi ýaqytta júrgizilip jatqan aqsha-kredıt saıasaty jóninde esep berdi. Premer-Mınıstrdiń orynbasary – Qarjy mınıstri Erulan Jamaýbaev 2022 jylǵa arnalǵan respýblıkalyq bıýdjettiń naqty parametrleri jaıynda málimet berdi.

Sonymen qatar is-sharada bıýdjet shyǵyndaryn ońtaılandyrý, kóktemgi egis naýqanyna daıyndyq barysy, eksport saıasatyn damytý, ınvestıııa tartý jáne kólik logıstıkasyn jetildirý, sondaı-aq Halyqtyń tabysyn arttyrý baǵdarlamasyn júzege asyrý máseleleri talqylandy.

Keńes qorytyndysy boıynsha Memleket basshysy Úkimet pen Prezıdent Ákimshiligine elimizdiń áleýmettik-ekonomıkalyq damý máselelerine qatysty birqatar tapsyrma berdi.

"Adyrna" ulttyq portaly

Pikirler