«Olar bizge baǵynbaıdy»: Aımaǵambetov Nazarbaev ýnıversıtetindegi Z tańbasyna qatysty pikir bildirdi

3097
Adyrna.kz Telegram

Bilim jáne ǵylym mınıstri Ashat Aımaǵambetov Nazarbaev ýnıversıtetinde bolǵan jaǵdaıdy estimegenin aıtty, dep habarlaıdy "Adyrna" ulttyq portaly ulysmedia.kz-ke silteme jasap. 

Onda IT departamentiniń qyzmetkeri kabınetiniń esigine «za nashıh» degen plakat ilip qoıǵan bolatyn. Mınıstrdiń aıtýynsha, Nazarbaev ýnıversıtetiniń derbes mártebesi, jeke zańy bar jáne bilim jáne ǵylym mınıstrligine esep bermeıdi. Bilim berý qyzmetkerleriniń Ádep kodeksi bul JOO qyzmetkerlerine qoldanylmaıdy. Sondaı-mınıstr bul jaǵdaıdan habarsyz ekenin de aıtty.

«Munyń bári muǵalimderdiń, bilim berý uıymdary pedagogtarynyń Ádep kodeksinde jazylǵan. Oǵan sáıkes, olarǵa ata-ana, oqýshy jáne áriptesterimen qarym-qatynas kezinde óz ustanymyn, onyń ishinde saıası ustanymyn tańýyna jol berilmeıdi. Sabaqty da tek oqý baǵdarlamasy aıasynda ótkizýge tıis. Zańnamany buzatyn keıbir nárselerdi nasıhattaýyna bolmaıdy. Biraq bul kodeks bizdiń mektepterge qoldanylady, Nazarbaev ýnıversıtetine qoldanylmaıdy» - deıdi ol.

Ýnıversıtettiń jáne Nazarbaev atyndaǵy mektepterdiń derbes mártebesin qaıta qaraý týraly másele BǴM-niń kún tártibinde turǵan joq, biraq eger basqarma osyndaı sheshim shyǵarsa, olardy qarjylandyrý qysqartylýy múmkin.

«Menińshe, jaı ǵana bir sáttik tendenııalarǵa nazar aýdaryp, 20 mektepti jaýyp tastaǵan jón bolmaıdy. Bul mektepter jumys isteýi kerek, al ishki jaǵdaıy men jumys mehanızmi – mekteptiń ózi, basqarýshy komıtetteri qaraıtyn másele», – dedi vedomstvo basshysy.

Aıta ketsek, munyń aldynda Bas prokýratýra Qazaqstan azamatynyń shet memleket aýmaǵyndaǵy soǵys qımyldaryna qasaqana quqyqqa qaıshy qatysýy, sol sııaqty ulttyq alaýyzdyqty qozdyrýǵa baǵyttalǵan qasaqana is-áreketteri, buqaralyq aqparat quraldaryn nemese telekommýnıkaııa jelilerin paıdalana otyryp, Qazaqstannyń tutastyǵyn, onyń aýmaǵyna qol suǵylmaýyn jáne bólinbeýin buzýǵa jarııa túrde shaqyrý qylmystyq jazalanatyn áreketter bolyp tabylatynyn (QK-niń 172, 174, 180-baptary) eskertken bolatyn.

"Adyrna" ulttyq portaly

Pikirler