Tótenshe jaǵdaılar mınıstrliginde TJ-ny joıý jónindegi respýblıkalyq shtab quryldy. Aqmola, Aqtóbe, Pavlodar, Qostanaı, Qaraǵandy, Soltústik Qazaqstan oblystarynda osyndaı shtabtar jumys júrgizýde, dep habarlaıdy "Adyrna" ulttyq portaly.
Psıhologııalyq kómek jáne aqparattyq qoldaý kórsetý úshin respýblıkalyq jáne aýmaqtyq shtabtarda jedel jeli telefony jumys isteıdi.
Ótken táýlikte qutqarý bólimsheleri Nur-Sultan qalasy, Aqmola, Aqtóbe, Qaraǵandy, Qostanaı oblystarynda 372 adamdy, onyń ishinde 312 bala qutqaryldy jáne evakýaııalandy. Avarııalyq-qutqarý jumystaryna TJM,IIM, jergilikti atqarýshy organdar men jol qyzmetterinen 539 adam jáne 277 birlik tehnıka jumyldyryldy.
Aqmola, Qaraǵandy, Pavlodar, Qostanaı oblystarynyń jylytý pýnktterinde 89 adam, onyń ishinde 11 bala bar.
Avtojoldardyń jabyq ýchaskelerinde halyqty evakýaııalaý úshin ýaqytsha jylytýdyń 40 pýnkti daıyndaldy. Jol qyzmetteri qardy tazalap jatyr. Halyqty eskertý maqsatynda aýa raıynyń nasharlaýy týraly 74 SMS-habarlama jiberildi jáne «Dármen» mobıldik qosymshasy arqyly 56 habarlama joldandy, 15 teleradıoefırmen qarmaý júrgizildi.
Qazirgi ýaqytta Aqmola, Almaty, Aqtóbe, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan oblystarynda avtojoldardyń 111 ýchaskesi jabyldy, olardyń 52-si respýblıkalyq jáne 59-y oblystyq mańyzy bar joldar.
Blok-beketterde 1 434 birlik tehnıka, onyń ishinde 946 birlik jeńil, 482 birlik júk jáne 6 avtobýs tur: Aqmola oblysynda – 735 birlik tehnıka (547 jeńil jáne 188 birlik júk), Qaraǵandy oblysynda – 532 (jeńil-318, júk – 208 jáne 6 avtobýs), Qostanaı oblysynda – 57 birlik tehnıka bar tehnıkalyq birlik (jeńil-35, júk-22), Pavlodar oblysy - 110 birlik tehnıka (jeńil-46, júk-64).
Ótken táýlikte Nur-Sultan, Almaty qalalarynda, Aqmola, Almaty, Aqtóbe, Atyraý, Jambyl, Qaraǵandy, Qyzylorda, Pavlodar jáne Soltústik Qazaqstan oblystarynda qatty daýyldy jeldiń saldarynan shatyrlardyń buzylýy men aǵashtardyń qulaýy, sondaı-aq elektr energııasynyń ishinara ajyratylýy oryn aldy.
Nur-Sultan, Almaty qalalarynda jáne Almaty oblysynda tótenshe jaǵdaılardyń saldarynan 6 adam, onyń ishinde 3 bala zardap shekti.
"Adyrna" ulttyq portaly
