Urpaq tárbıesi – ult bolashaǵy. «Bir jyldyǵyn oılaǵan halyq bıdaı egedi, júz jyldyǵyn oılaǵan halyq aǵash egedi, myń jyldyǵyn oılaǵan halyq sanaly urpaq tárbıeleıdi» deıdi halyq danalyǵy. Jas urpaqtyń tanymyn aıqyndaý, boılaryna ulttyq qundylyqtardy sińirý maqsatynda «Alataý» dástúrli óner teatry birshama mekteptermen ózara yntymaqtastyq, mádenı baılanystar ornatty. Teatr dırektory – Rınat Rıfhatuly Zaıtov.
Bıyl – Balalar jyly. «Alataý» dástúrli óner teatrynda Nurjan Týtovtyń rejısserligindegi balalardyń jaqsylyq pen jamandyq, ádildik týraly kózqarastaryn qalyptastyrý, ıaǵnı qajetti adamdyq sapalardy kórsetýdi negizge alǵan «Ágýgaı men Igıgaı» atty halyq ertegileri men dástúrli ánderden quralǵan balalarǵa arnalǵan mýzykalyq qoıylym júrip jatyr.
Mektepterde ashyq tárbıelik saǵattardyń ótetini belgili. «Eginshi men qasqyr», «Aldardyń aılasy», «Kúı qudireti» atty taqyryptarda órbıtin taptaýryndyqtan ada ózgeshe ózindik formaǵa ıe «Ágýgaı men Igıgaı» qoıylymy mektepten tys oqýshylarmen jumys úshin utymdy ári taptyrmas tárbıe quraly.
Qoıylym baıandaýdan ǵana turmaıdy. Án, bı, mýzyka qyzyqtyra túsedi. Sondaı-aq plastıka, mızansena, dekoraııa, jaryq jáne t.b. óz deńgeıinde. Oqýshylardy ertegi álemine endiretin aýdıtorııamen baılanys ta oılastyrylǵan.
Ertegi arqyly balany jan-jaqty tárbıeleýdiń mańyzy zor ekenin áste umytpaıyq!
Qýanysh Jumabekuly
«Alataý» dástúrli óner teatry
Ádebıet bóliminiń meńgerýshisi
