«Evropa plius Qazaqstan» radiosynyŋ jürgızuşısı Liubov Panova Facebook paraqşasynda «Vova aǧamdy kömekke şaqyramyn» dep jazǧan pıkırıne bailanysty jūmysynan bosatyldy. Būl turaly radiostansiianyŋ Instagram paraqşasynda habarlandy, dep jazady "Adyrna" ūlttyq portaly.
Resmi habarǧa säikes, Liubov Panovamen eŋbek qatynasy 28 nauryzdan bastap toqtatyldy.
Panova Feisbuktegı paraqşasynda Reseidıŋ Ukrainaǧa äskeri basyp kıruıne qoldau bıldırıp, Resei saiasatymen kelıspeitın qazaqstandyqtardy "ūltşyldar" dep aiyptap, söz arasynda "Vova aǧamdy kömekke şaqyramyn" dep aitqan. Osydan keiın bırqatar äleumettık jelı qoldanuşylary öz narazylyqtaryn bıldırıp, mūndai öreskeldıkke jol bergen qyzmetkerdı «bızge qarsy dörekı sözder aityp, ūltaralyq arazdyqty qozdyrǧany jäne soǧysqa şaqyrǧany üşın» jūmystan şyǧarudy talap ettı."Europa plius Qazaqstan" basşylyǧy Panovanyŋ ūstanymy "radiostansiia saiasatyna eş qatysy joq" dep köpşılıkke tüsınıkteme berıp, qyzmetkerınıŋ ısı tärtıptık komitette qaralatynyn mälımdedı. Almaty polisiia departamentı radiojürgızuşınıŋ üstınen qylmystyq ıs qozǧalǧanyn habarlady.
Atalǧan faktı boiynşa Qazaqstan Respublikasy QK-nıŋ 174 babynda közdelgen qylmys belgılerımen, iaǧni ūltaralyq alauyzdyqty qozdyru boiynşa qylmystyq ıs, sotqa deiıngı tergeudıŋ bıryŋǧai tızılımıne tırkelgenın habarlaimyn. Qylmystyq ıs boiynşa aldyn-ala tergeudı ötkızu Almaty qalasy polisiia Departamentınıŋ Tergeu basqarmasyna jükteldı, - dep mälımdedı Almaty polisiia departamentı basşysynyŋ orynbasary Rustam Abdrahmanov.Bügın, iaǧni aǧymdaǧy jyldyŋ 28 nauryzynda ıs boiynşa tiıstı saraptamalar taǧaiyndaldy, onyŋ qorytyndysy boiynşa prosessualdyq şeşım qabyldanatyn bolady.
"Adyrna" ūlttyq portaly
