Reseı prezıdenti Vladımır Pýtın kógildir otyndy Eýropa elderi men AQSh-qa reseı rýblimen satý týraly sheshimin málimdedi. Bul týraly ol úkimet múshelerimen kezdesýde aıtty, dep habarlaıdy “Adyrna” ulttyq portaly.
"Taýarlarymyzdy Eýropalyq odaqqa, AQSh-qa jetkizip, tólemdi dollarmen, eýromen jáne birqatar basqa valıýtamen alýdyń maǵynasy joq ekeni túsinikti. Sondyqtan men qysqa merzimde tólemdi aýdarý boıynsha keshendi sharalardy júzege asyrýdy uıǵardym. Kógildir otyn dostastyq joq elderge Reseı rýblimen jetkiziledi. Iaǵnı, mundaı esepteýlerde barlyq valıýtalardy paıdalanýdan bas tartý kerek", - dedi Pýtın.
Ol Reseı tabıǵı gazdy buryn jasalǵan kelisimshartta bekitilgen kólem men baǵa belgileý qaǵıdattaryna sáıkes jetkizetinin atap ótti.
"Keıbir áriptesterden aıyrmashylyǵy, biz senimdi seriktes jáne jetkizýshi retindegi bedelimizdi baǵalaımyz. Ózgerister tek reseılik rýblge aýystyrylǵan tólem valıýtasyna ǵana áser etedi", - dedi Reseı prezıdenti.
Aıta keteıik, AQSh Kongresi ókilder palatasy 10 naýryz kúni Reseıden energetıkalyq resýrstardy, ıaǵnı munaı men gazdy ımporttaýǵa tyıym salý týraly zań jobasyn maquldaǵan bolatyn.
“Adyrna” ulttyq portaly
