Qaraǵandy oblysynyń atqaminerleri Premer-mınıstr Baqytjan Saǵyntaevtyń saparyna qyzý daıyndaldy. Qalanyń jamanyn jasyryp, jaqsysyn asyrǵysy keldi me, áıteýir sheneýnikterdi tolassyz jaýǵan jańbyrdyń ózi toqtata almady.
Sońǵy bir táýlikte osyndaı beınejazbalar ǵalamtor jelisinde qaptap ketken. Premer-mınıstrdiń Jezqazǵan qalasyna baratyny belgili bolǵan soń jergilikti kommýnaldyq qyzmetkerler aıaqtarynan tik turdy. Tipti, óńi ketken temir qorshaýlardy tún ortasynda syrlaý úshin jumysshylarǵa jańbyr da kedergi emes. Oblys ortalyǵyn retke keltiremiz dep qaraǵandylyq sheneýnikter de shyr-pyr. Qaraǵandy qalasynda bir túnniń ishinde jolaqtar syzylyp, joldar aınadaı jarqyrap shyǵa kelgen. Ásirese, qalany kórkeıtý jumystary Baqytjan Saǵyntaevtyń qozǵalys baǵyty boıynsha qyzý júrip jatty. Al jol saqshylary ortalyq kóshelerde ár metr jerde qoǵamdyq tártipti baqylap tur.
_________________________________________________________________________________________________________________________________
31.kz
