Şyǧys Qazaqstan oblysyndaǧy Ürjar audanynyŋ atauyn "Qabanbai batyr" dep özgertu ūsynylǧan petisiia jariialandy, dep habarlaidy "Adyrna" ūlttyq portaly.
Bügınde Qūsman Kärımūlynyŋ bastamasymen atalǧan petisiiaǧa onnan astam ūlt ziialylary men qoǧam belsendılerı qol qoiyp, qoldau bıldırude.
Petisiia Egov.press saitynda jariialanǧan.
Petisiia mätını mynadai:
"Qūrmettı Qazaqstan halqy!
2021 jyly 5-qaŋtarda «Egemen Qazaqstan» memlekettık basylymynda Prezident Qasym-Jomart Toqaevtyŋ «Täuelsızdık bärınen qymbat» degen taqyrypta kölemdı maqalasy jariialandy. Osy maqalasynda memleket basşysy jer-cu ataulary mäselesıne keŋınen toqtalǧan bolatyn.
«Babalardan mūra bolǧan, şekarasy şegendelgen qasiettı jerımız – eŋ basty bailyǧymyz. Qazaqqa osynau ūlan-ǧaiyr aumaqty syrttan eşkım syiǧa tartqan joq. Jäne tūlpardyŋ tūiaǧy, qūstyŋ qanaty talatyn atyrap eşbır şeteldıktıŋ menşıgıne berılmeidı, eşqaşan satylmaidy... 2018 jyly Oŋtüstık Qazaqstan oblysyna Türkıstan atauy berıldı. Tarihi ädıldıktı qalpyna keltırgen oryndy şeşımdı halyq bırauyzdan qoldap, öte jyly qabyldady. Öitkenı, mūndaǧy şejırelı şahar ǧana emes, tūtas öŋır köne zamandardan berı Türkıstan dep atalǧan. Osy igı ürdıstı elımız boiynşa jalǧastyruǧa bolady. Bız mūndai qadamdardy baiyppen jasaimyz», – dedı Prezident.
Memleket basşysynyŋ osynau kelelı de, köregen saiasatyna ün qosyp, ony ıske asyru ärbır Qazaqstandyqtyŋ basty paryzy ekenı anyq. Būrynnan ara-tūra aitylsa da jüielı qolǧa alynbaǧan ıstıŋ bırı – Qabanbai babamyzdyŋ atyn jaŋǧyrtyp, ūrpaqtardy patriottyq ruhqa baulu bolatyn. «Eşten keş jaqsy» dep Daraboz batyrdyŋ ataǧyn bükıl elımız bolyp asqaqtatsaq degen oiǧa bekıp, Halyqaralyq «Qabanbai batyr» qoǧamdyq qory el azamattaryna osy ündeuımızdı joldadyq.
XV ǧasyrdyŋ ortasynan bastalǧan joŋǧar qontaişylylarynyŋ qazaq dalasyna bastalǧan sūrapyl şapqynşylyǧy XVIII ǧasyrdyŋ otyzynşy jyldary şaryqtau şegıne jetıp, Qazaq handyǧynyŋ şyǧysy men oŋtüstık öŋırın jäne ortalyq Qazaqstannyŋ jerıne deiın öz ielıkterıne qaratyp, ämırın jürgızdı. Jaujürek qazaq halqynan osyndai almaǧaiyp zamandarda eldı, jerdı qorǧaityn batyr ūldar molynan şyǧyp, qyryq jyl attan tüspei şaiqasyp, joŋǧar basqynşylarynan jerımızdı azat ettı. Osyndai el qorǧaǧan batyrlardyŋ ışınde qolbasşylyǧymen de, özınıŋ jeke erlıkterımen de halyqtyŋ ülken yqylasyna bölengen Qabanbai batyr (Erasyl Qojaǧūlūly) bolǧanyn zamandastary Saryşuaş, Ümbetei, Būqar, Aqtanberdı, keiıngı Dulat siiaqty jyraular men Kärıbai Taŋatar siiaqty aqyndar tolǧap ketken. El auzyndaǧy jäne köptegen tarihi derekterge qaraǧanda, Qabanbai batyr joŋǧarlarmen soǧysta olardyŋ bas batyrlarymen 103 ret jekpe-jekke şyǧyp, barlyǧynda jeŋıske jetken. Qabanbai babamyzdyŋ üzdık batyr, soǧystyŋ taktikasyn, strategiiasyn jetık meŋgergen qolbasşylyǧynan bölek, sol zamandaǧy elımızdıŋ taǧdyryn şeşetın saiasi ısterge de belsene aralasyp, el basqarǧan kösem, memleket qairatkerı bolǧany orys-qytaidyŋ arhivtık qūjattary arqyly belgılı.
Biylǧy jyly ataqty Abylai hannan «Daraboz» jäne «Han batyr» degen ataqtar alǧan Qabanbai babamyzdyŋ tuǧanyna 330 jyl tolǧanyn jaqsy bılesızder. Qabekeŋdei aruaqty erlerdıŋ attary atalǧanda ruhtanyp, erlık jasauǧa talpynbaityn qazaq balasy kemde kem şyǧar. Qabanbai batyrdyŋ aty men ol kısınıŋ joryq joldary qūr tarih qana emes, ol – ūlttyq-memlekettık tūrǧydaǧy ülken ideologiia! Osyny eskere kele, Prezidentımız Qasym-Jomart Toqaevqa jäne oblys, audan basşylyqtaryna Şyǧystaǧy şekaralyq audan bolyp esepteletın Ürjar audanynyŋ atyn qazaq dalasyn basqynşylardan qorǧauda teŋdessız erlıkter körsetken dara qolbasşy Qabanbai batyrdyŋ atymen ataudy dūrys dep esepteimız (Audannyŋ ortalyǧy Ürjar atynda qala beredı).
Bız memleket tıregı bolatyn ūlttyq-patriottyq ruhymyzdy köteru üşın jandaryn aiamaǧan erlerımızdıŋ almaǧaiyp zamandaǧy eren erlıkterın jastarymyzdyŋ jürekterıne sıŋırıp, patriot ūrpaq tärbieleu üşın Qabanbai, Bögenbai, Nauryzbai jäne olarmen üzeŋgıles basqa da batyrlarymyzdy el jadynda mäŋgı qalatyndai ūlyqtauymyz kerek!
Osynşama ūlan-baitaq jerımızdı joŋǧar men qytai basqynşylarynan azat etıp, «Han ūrany – Qabanbai» dep jyrlarda aitylǧandai, bükıl halqyna ūran bolǧan Qabanbai babamyzdyŋ atymen täuelsızdık alǧanymyzǧa otyz jylda oblys tūrmaq, bır audannyŋ aty atalmauy bızder üşın tym ūiatty jaǧdai. Sondyqtan, Halyqaralyq «Qabanbai» qoǧamdyq qory Qazaqstan halqyn Şyǧys Qazaqstan oblysyndaǧy Ürjar audanynyŋ atauyn bahadür babamyz Qabanbai batyrdyŋ atyna auystyrudy qoldap, dauys berulerıŋızdı sūraidy".
Petisiiaǧa qol qoiǧandar:
Qūsman Kärımūly Şalabaev – Halyqaralyq «Qabanbai batyr» qoǧamdyq qorynyŋ töraǧasy;
Djobulaev Kabdylaşim Hyzyrmullaevich - El aǧasy, tarihşy, qoǧam qairatkerı;
Toqtabaev Nūrlanbek Tölegenūly – Aiagöz audanynyŋ mäslihat deputaty, qoǧam qairatkerı, käsıpker;
Jakupova Şarmanu Rahmetulinovna – jazuşy, tarihşy;
Dukeev Kairat Zariphanovich - şejıreşı, qazaq mifologiiasyn zertteuşı, tarihşy ǧalym;
Jambyl Jūmanbaev – El aǧasy, zeinetker. Tarbaǧatai audany, Jäntıkei auyly;
Qūsmilia Nūrqasym – Aqyn, jazuşy, mädeniet qairatkerı;
Mūhtarhan Abaǧan – Q.R. eŋbegı sıŋgen mädeniet qairatkerı;
Mūrat Äuezov – mädeniettanuşy ǧalym, diplomat, memleket jäne qoǧam qairatkerı;
Bauyrjan Jaqyp – filologiia ǧylymdarynyŋ doktory, professor, aqyn;
Diar Qonaev – ǧalym, filologiia ǧylymynyŋ kandidaty;
Bolat Abdılmanov – Qazaqstannyŋ eŋbek sıŋırgen qairatkerı;
Duman Ahataev Oqapūly – Halyqaralyq «Qabanbai» qorynyŋ üilestıruşısı.
"Adyrna" ūlttyq portaly
Ūqsas jaŋalyqtar
