Prezıdenttiń bes áleýmettik bastamasyn iske asyrýǵa baılanysty «Nurly jer» turǵyn úı baǵdarlamasyna ózgertýler engiziledi dep habarlaıdy Investıııalar jáne damý mınıstrliginiń baspasóz qyzmeti.
Birinshiden, júıeni memlekettik josparlaýǵa sáıkes Baǵdarlama memlekettik bolyp qaıta bekitiledi. Sondaı-aq, turǵyn úı qurylysy men qarjylandyrý kólemin arttyrý normasy qaıta qaralady.
«7-20-25» jańa ıpotekalyq baǵdarlamasyn engizýge baılanysty «Nurly jer» baǵdarlamasynyń mehanızmderi qaıta qaraldy. Bul ıpotekany sýbsıdııalaý mindetin alyp tastaýdy qarastyrady.
Sonymen qatar jasalǵan jáne jasalatyn kelisimder boıynsha mindettemeler oryndalatyn bolady (qabyldanǵan mindettemelerge jáne azamattardyń boljamdy ótinimderine sáıkes, 6,4 mlrd teńge).
Qurylys alańdaryn daıyndaý úshin turǵyn úı qurylysy júretin aýdandardaǵy ınjenerlik kommýnıkaııa qurylysyn qarjylandyrý kólemin 80 mıllıardtan 100 mlrd teńgege deıin arttyrý máselesi qaralýda (qosymsha 20 mlrd teńge).
2019 jyldan bastap satyp alý quqyǵynsyz beriletin arendalyq turǵyn úı qurylysyna jyl saıyn respýblıkalyq bıýdjetten 10 mlrd teńge kóleminde qosymsha qarajat bólý usynylady (25-ten 35 mlrd. teńgege deıin).
Bul halyqtyń áleýmettik álsiz top sanatyna jatatyn qosymsha 1 myńnan astam otbasyn jyl saıyn turǵyn úımen qamtamasyz etýge múmkindik beredi. Osy baǵdarlamaǵa jeke qurylys salýshylardyń belsendi qatysýlary úshin ákimdikter daıyn turǵyn úı nysandaryn satyp ala alady (nesıe men arendaly turǵyn úıdi satyp alýǵa bólingen qarajat esebinen).
Budan bólek, «Nurly jerge» engiziletin ózgerister aıasynda ákimdikterdiń páterlerin «Turǵyn úı qurylys jınaq bankiniń» salymshylarymen qatar, jeke bankterdiń klıentteri úshin de satyp alý qarastyrylady.
Bul sharalar ıpotekany damytýǵa úlken serpilis beredi. Atap aıtsaq, sharshy metri óńirlerde - 140 myń teńge, al Astana, Almaty, Atyraý jáne Aqtaý qalalarynda 180 myń teńgeden bolady (salynǵan baspana banktiń salymshylaryna 3 aı ishinde ótkizilip, ótkizilmegen úılerdiń qaldyǵy EDB klıentterine).
Jańa baǵdarlama parametri boıynsha «Turǵyn úı qurylys jınaq bankiniń» turǵyn úı zaımy qaıta qaralatyn bolady. Jalpy qabyldanǵan sharalar turǵyn úıdi paıdalanýǵa berý kólemin jyl saıyn 8% (jylyna 8 myńnan astam baspana) jáne 2030 jylǵa deıin 1 adamǵa shaqqandaǵy baspanamen qamtý kórsetkishin 30 sharshy metrge deıin jetkizýge múmkindik beredi.
Bul bastamany júzege asyrý turǵyn úı qurylysy ındýstrııasyn damytýǵa úlken serpin beredi jáne tutastaı alǵanda el ekonomıkasynyń odan ári ósýine yqpal etedi.
________________________________________________________________________________________________________________________________
inform.kz
