Atyraýda qańtar oqıǵasyna baılanysty qamalǵan 8 kúdikti ashtyq jarııalady. 9 naýryzda ÝG-157/1 mekemesiniń aldyna kúdiktilerdiń týystary jınalyp, jaqyndaryn kórsetýdi talap etti, dep habarlaıdy Aq Jaıyq basylymy.
Adam quqyqtary jáne zańdylyqty saqtaý bıýrosynyń Atyraý oblysy boıynsha bólimshesiniń dırektory mindetin atqarýshy Darııa Uljaǵalıevanyń aıtýynsha, kúdiktiler ashtyqty áli jalǵastyryp jatyr. Ol 9 naýryzda keshke tergeý ızolıatoryna kirip shyqqan. Onyń aıtýynsha, negizinen "Jappaı tártipsizdik uıymdastyrý" jáne "Bılik ókiline kúsh qoldaný" baptary boıynsha kúdikke ilingen azamattar ózderin úıqamaqqa shyǵarýdy talap etip otyr. Buǵan qosa, qańtar aıynda ustaý kezinde "azaptalǵan" kúdiktiler ózderin qınaǵan polıeılerdi jaýapqa tartýdy talap etken.
– Keshe keshke kirip shyqtym. Jigitterdiń barlyǵymen sóılesip shyqtym. Buǵan deıin tergeý ızolıatorynan tórt adamdy jibergen eken. Qalǵandary da úıqamaqqa shyqqysy keledi. Olar ashtyq jarııalaǵany týraly ótinishti túrme ákimshiligine 9 naýryzda bergen. Denelerin qarap shyqtym. Eshqandaı jaraqat joq. Olardyń ruqsatymen keıbirin sýretke túsirip aldym. Sebebi dalada analary jylap, eńirep turdy. Olar oblys prokýrorymen kezdesýdi talap etti. Kezdeskenin-kezdespegenin bilmeımin. Kúdiktiler ózderin qınaǵan polıııa qyzmetkerlerin jaýapqa tartýdy talap etip otyr, – dedi ol 10 naýryzda tańerteń Azattyq tilshisine.
Onyń aıtýynsha, 8 adamnyń bireýi qurǵaq ashtyq jarııalaǵan. Qalǵany sý ishedi. Jalpy tergeý ızolıatorynda qańtar oqıǵasy boıynsha qamalǵandar 20-dan asady.
– Keshe jaǵdaılary qalypty boldy. Túrme ákimshiligine ashtyq jarııalaǵandarǵa medıınalyq kómek kórsetý qajettigin aıttym, – dedi bıýro bólimshesiniń basshysy.
Beısenbi kúni Azattyq tergeý ızolıatoryna habarlasqan kezde mekeme basshysy Meıirbek Baqtyǵalıuly birneshe kúdiktiniń ashtyq jarııalaǵanyn rastady. Qalǵan suraqtardy Qylmystyq-atqarý júıesi departamenti ókilderine qoıý qajettigin aıtty. Azattyq tilshisi departamentten ázirge jaýap ala almady.
"Aq Jaıyq" basylymynyń jazýynsha, narazylar ashtyqty 6 naýryzda jarııalaǵan. Basylym ata-analardyń shaǵymdary men prokýratýra ókilderiniń olarǵa bergen jaýabynan vıdeo jarııalady.
Kúdiktilerdiń biriniń anasy Álııa Mahambetovanyń aıtýynsha, uly mekemedegi antısanıtarııa men tamaqtyń sapasyna shaǵymdanǵan.
"Ulym ózderin qur sýǵa ázirlengen arpamen tamaqtandyratynyn aıtty. Azaptaý týraly aıtqan joq, múmkin bizdi, jaqyndaryn alańdatqysy kelmegen bolar. Biraq búgin olardy 13 qańtarda túrmege jetkizgennen keıin rezeńke taıaqpen eki butynyń arasynan urǵanyn bildim. Jany qysylǵandyqtan qazir aıtyp otyr. Tergeý ızolıatory qyzmetkerleriniń qysymynan keıin olar tamyrlaryn kesetinin aıtyp otyr. Áleýmettik jelide de vıdeo bar" dedi Álııa Mahambetova.
Túrme aldyna jınalǵan ata-analardyń aldyna shyqqan arnaıy prokýratýra ókilderi Álibı Mustafın jáne Asylbek Muqanov azaptaý týraly aqparatty tekseretinin aıtqan.
"Antısanıtarııa men tamaqtanýǵa qatysty shaǵymdy ózge áriptesterim tekseredi, al tergeý ızolıatoryndaǵy azaptaýlar jaıly shaǵymdar búgingi kúnge deıin túsken joq bolatyn, qazir tekseremiz" dedi prokýratýra ókilderi.
- Qazaqstanda Qańtar oqıǵasynan soń myńdaǵan adam ustalyp, júzdegen adam "terrorızm", "tártipsizdik", "qarý urlaý" jáne basqa da aıyptarmen qamaýǵa alynǵan. Qamalǵandardyń kóbi túrmede azaptalǵandaryn aıtqan edi. Bas prokýratýra naýryz basynda qańtar oqıǵasynan keıin azaptaý shaǵymdary boıynsha qozǵalǵan qylmystyq ister 200-den asqanyn, 9 qyzmetker ustalǵanyn habarlaǵan.
- Quqyq qorǵaýshylar Qazaqstan bıligin Qańtar oqıǵasyn halyqaralyq deńgeıde tekserýge shaqyrǵan edi, biraq Nur-Sultan bul usynystan bas tartty.
- Quqyq qorǵaýshylar azaptaý jaıly shaǵymdardyń sotqa sırek jetetinin aıtady.
