Gollıvýd fılmderin ózimiz satyp alyp, dýblıajdaımyz - AQAN SATAEV

2710
Adyrna.kz Telegram

Eki el arasyndaǵy soǵysqa baılanysty AQSh salǵan sankııalardan keıin  Kinopark – Kinoplexx jelisi bizde de jabylýda. Belgili rejısser Aqan Sataev eshqandaı deldalsyz gollıvýd fılmderin ózimiz satyp alyp, dýblıajdaıtynyn jetkizdi, dep habarlaıdy “Adyrna” ulttyq portaly. 

«Ózderińiz bilesizder, ókinishke qaraı, Reseı arqyly jumys isteıtin gollıvýdtyq kompanııalar bizge kıno berýden bas tartty. Bizdiń elde 1 sáýirden bastap kórsetetin ónim bolmaıdy eken. Búgin men Kınoteatrlar jelisiniń jetekshisi Almas Maldybaevpen osy másele boıynsha sóılestim. Ol kınozaldarda Gollıvýdtyń fılmderi bolmasa da kópshilikke unaǵan otandyq kınolardyń kórsetile beretinin aıtty. Mamyr aıynda Qasym han týraly fılmimizdiń túsirilimi bitedi. Ol «Uly Dala tańy» dep atalady.

Al Gollıvýdtyń kınolaryna kelsem, biz endi olardyń fılmderin eshqandaı deldalsyz ózimiz satyp alyp, dýblıajdap, kórermenge usynatyn bolamyz.  Bizde bári  jaqsy bolady», – dedi ol.

“Adyrna” ulttyq portaly

Pikirler