Ýkraınany da, Reseıdi de qoldamaımyz! - Qorǵanys mınıstriniń orynbasary

2578
Adyrna.kz Telegram

Qorǵanys mınıstriniń orynbasary Sultan Kamaletdınov Reseı men Ýkraına qaqtyǵysy týraly aıtty, - dep habarlaıdy “Adyrna” ulttyq portaly  Tengrinews.kzsaıtyna silteme jasap. 

"Reseı men Ýkraına arasyndaǵy qaqtyǵystyń Qazaqstanǵa esh qatysy joq. Biz taraptardyń eshqaısyn qoldamaımyz. Bul turǵyda suraq týyndaýy múmkin emes", - dedi Kamaletdınov Senat otyrysynda.

Jýrnalıster Kamaletdınovten Qazaqstan Qarýly Kúshteri qaýipsizdikti qamtamasyz ete ala ma dep surady.

"Árıne, bul másele bárin alańdatady. Keshe mınıstr aıtqandaı, Qarýly Kúshter qoıylǵan mindetterdi oryndaýǵa daıyn dep úmittenemiz. Kepildik (Qazaqstandaǵy beıbitshilik pen qaýipsizdikke - esk.), árıne beremiz, bul anyq. Memlekettegi Qarýly Kúshter, basqa da áskerler men áskerı quramalar sol úshin, óıtkeni mindetimiz - egemendik pen aýmaqtyq tutastyqty qamtamasyz etý", - dep sendirdi Kamaletdınov.

“Adyrna” ulttyq portaly

Pikirler