Qurmetti oqyrman, aqparat aıdynyna jańa saıt qosyldy. Alashtyń sózi bolsyn degen úmitpen saıttyń atyn alash.kz dep qoıdyq. Táýelsiz baǵytta qurylǵan saıtymyzdyń negizgi taqyryptyq nysanasy: qoǵamdyq-saıası, áleýmettik, ekonomıkalyq taqyryptarmen birge, bilim men sport, medıına men qorǵanys, ádebıet pen tarıhı taqyryptardy qamtıdy.
Jasyratyny joq, qazir ne kóp: saıt pen portal kóp. Ol az deseńiz, ár gazettiń bir-bir saıty taǵy bar. Búgin ashylyp, erteń jabylyp jatqandary da az emes. Biraq qazaq tildi aýdıtorııaǵa arnalǵan qazaq tildi sapaly kontent az, sanaýly ǵana. Bizdiń maqsat osy keńistikti saýatty, aýqymdy qazaq tildi kontentpen toltyrý. Memleket saıasatyn aqparattyq qoldaý, Reseı propagandasyna qarsy turý, jalǵan aqparattardyń jolyn kesý – bizdiń saıttyń negizgi ustanymy.
Qazir álem úshin qarý-jaraqpen soǵystan bólek, aqparattyq soǵystyń da mańyzdylyǵyna kún saıyn kózimiz jetýde. Máselen, dúnıeni dúr silkindirip turǵan Reseı men Ýkraına soǵysynda aqparattyq shabýyldyń da úlesi bar. Bul jaǵynan Kıev jaqsy jumys jasap jatyr. Saǵat, mınýt saıyn Máskeýdiń qolǵa túsken soldattaryn kógenge tizip, kózderin móldirip turyp alty qurlyqqa taratyp, Reseı agressısyn aıpara qylyp, ózderiniń sát saıyn jeńiske jaqyndap kele jatqanyn kórsetýde. Meıli, bul soǵysta Pýtın jeńer-jeńiler, biraq Ýkraınanyń aqparattyq soǵysta mysy basyp tur. Bul jeńis soǵystan keıin ýakrın halqynyń rýhyn bekitedi, qazirgi júrgizilip jatqan aqparattyq shaıqas sonyń bir dáleli.
alash.kz saıty Qazaqstan aqparat keńistiginde óz orny bar, baǵyt-baǵdary aıqyn, maqsaty men mindeti naqtylanǵan úlken aqparat agenttigine aınalatyny anyq!
