Qalaýlym jabyla ma: Toqaev baǵdarlamaǵa qatysty tapsyrma berdi

2750

Qasym-Jomart Toqaev «Qalaýlym», «Qalaýym sen» atty baǵdarlamalarǵa qatysty tapsyrma berdi, dep habarlaıdy “Adyrna” ulttyq portaly.

Bul týraly Berik Ýálı óz facebook paraqshasynda jarııalady.

Toqaevtyń bul baǵdarlamalar týraly pikirine halyqtyń narazylyǵy sebep boldy. Mentalıtetimizge, dástúrimizge saı kelmeýi qoǵamdk másele týdyryp otyrǵandyǵyn aıtty.

«Azamattar áleýmettik jelilerde qol jınap, baǵdarlamalardyń jabylýyn talap etip, BAQ betterinde túrli synı maqalalar jarııalanyp jatyr», – deıdi ol.

Berik Ýálı prezıdent halyqtyń sózin tyńdap, birqatar tapsyrma bergenin aıtty.

«Halyqtyń pikiri eskerilip, arnalardyń da saıasatyna nuqsan keltirilmeı tıisti sheshim shyǵarylady», – dep túıindedi prezıdenttiń baspasóz hatshysy.

”Adyrna” ulttyq portaly

Pikirler
Redakııa tańdaýy