Memleket basshysy Qasym-Jomart Toqaev «Nur Otan» partııasyn (partııa ataýy «Amanat» dep ózgertildi) partııa músheleriniń senimine ıe adamdardy anyqtap, alǵa jyljytýǵa shaqyrdy, - dep habarlaıdy "Adyrna" tilshisi Aqorda saıtyna silteme jasap.
– Ashyǵyn aıtqanda, qazirgi kezde saıası menedjerlerdi daıarlaý isi aqsap tur. Qazirgi jaǵdaıda saıası basshylar túrli mamandarmen, jastarmen, jýrnalıstermen, halyqtyń barlyq ókilderimen til tabysa alýy kerek. Mundaı adamdar el arasynda az emes. Áleýmettik lıftiniń joqtyǵy – birden-bir kedergi. Jas ári qabiletti mamandarǵa múmkindik bermeımiz. Bul – bizdiń basty kemshiligimiz. Partııa qurylymynda Saıası menedjment akademııasy bar. Osy akademııanyń qyzmetin kúsheıtý qajet, – dedi Prezıdent.
Partııa tóraǵasy eldi odan ári jańǵyrtý jolyndaǵy jumysynda partııa músheleriniń usynys-pikirlerine senetinin basa aıtty. Sondyqtan árbir qazaqstandyqqa qazirgi ulttyq kún tártibin qalyptastyrýǵa atsalysýǵa múmkindik beretin ıdeıalar men usynystardy jınaqtaý boıynsha respýblıkalyq akııany bastaý oryndy dep sanaıdy.
Aıta keteıik, sezde partııanyń atyn Amanat dep ózgertý týraly sheshim qabyldanǵan bolatyn.
"Adyrna" ulttyq portaly
