Memleket basşysy Qasym-Jomart Toqaev «Nūr Otan» partiiasyn (partiia atauy «Amanat» dep özgertıldı) partiia müşelerınıŋ senımıne ie adamdardy anyqtap, alǧa jyljytuǧa şaqyrdy, - dep habarlaidy "Adyrna" tılşısı Aqorda saityna sılteme jasap.
– Aşyǧyn aitqanda, qazırgı kezde saiasi menedjerlerdı daiarlau ısı aqsap tūr. Qazırgı jaǧdaida saiasi basşylar türlı mamandarmen, jastarmen, jurnalistermen, halyqtyŋ barlyq ökılderımen tıl tabysa aluy kerek. Mūndai adamdar el arasynda az emes. Äleumettık liftınıŋ joqtyǧy – bırden-bır kedergı. Jas ärı qabılettı mamandarǧa mümkındık bermeimız. Būl – bızdıŋ basty kemşılıgımız. Partiia qūrylymynda Saiasi menedjment akademiiasy bar. Osy akademiianyŋ qyzmetın küşeitu qajet, – dedı Prezident.
Partiia töraǧasy eldı odan ärı jaŋǧyrtu jolyndaǧy jūmysynda partiia müşelerınıŋ ūsynys-pıkırlerıne senetının basa aitty. Sondyqtan ärbır qazaqstandyqqa qazırgı ūlttyq kün tärtıbın qalyptastyruǧa atsalysuǧa mümkındık beretın ideialar men ūsynystardy jinaqtau boiynşa respublikalyq aksiiany bastau oryndy dep sanaidy.
Aita keteiık, sezde partiianyŋ atyn Amanat dep özgertu turaly şeşım qabyldanǧan bolatyn.
"Adyrna" ūlttyq portaly
Ūqsas jaŋalyqtar
