QR UQK Shekara akademııasyna baǵy janyp oqýǵa túsken kýrsanttar tek qana shekarashy mamandyǵyn ǵana meńgerýmen shektelmeıdi. Qolyna qarý alyp Otanǵa qyzmetti abyroıly mindet dep túsingen olardyń jumylǵan judyryqtaı jıyrylǵanda almaıtyn qamaly joq. Ásirese, sportty janyna serik etken bolashaq shekarashy ofıerler sporttyq jarystarda akademııanyń abyroıyn asqaqtatyp, bedelin bıiktetip keledi.
Almaty qalasynda uıymdastyrylǵan kez-kelgen jarystyń bel ortasynan tabylatyn shekarashylar bul joly 2022 jyldyń 11-13 aqpan aralyǵynda MMA federaııasynyń kúntizbelik jumys josparyna sáıkes aralas jaýyngerlik jekpe-jek chempıonatynyń irikteýinen súrinbeı ótti. Atalmysh jarysta 2-shi jáne 4-oqý dıvızıondarynyń bir ofıeri men bes kýrsanty qatysyp, bir komandany qurady. Irikteý barysynda 2-oqý dıvızıonynyń zastava bastyǵy leıtenant N.Alımgazın 65 kýrsant B.Serıkkazın 61 keli salmaqta óner kórsetip ekeýi de úshinshi orynǵa turaqtady.
Al 18-19 aqpan aralyǵynda Almaty qalasynda jekpe-jektiń ulttyq sport túrinen uıymdastyrylǵan chempıonatqa 3-shi jáne 4-oqý dıvızıondarynyń jıyrma kýrsanty qatysty. Saıysqa qatysqan 20 komandanyń arasynan shekarashy kýrsanttardyń úsheýi birinshi, tórteýi ekinshi jáne taǵy tórteýi úshinshi oryndy ıelengen eken.
Endi namysty qoldan bermegen kýrsanttardy atap ótsek. Olar:
- 65 keli salmaq dárejesinde birinshi oryn alǵan efreıtor A.Bazarbaı
- 75 keli salmaq dárejesinde birinshi oryn alǵan kýrsant R.Sadırbaev
- 85 kelige deıingi salmaq sanatynda birinshi oryn alǵan efreıtor S.Konysbek
- 65 kelige deıin salmaq dárejesinde kýrsant A.Oralbek ekinshi oryn
- 70 kelige deıin salmaq dárejesinde kýrsant M.Dovydenko ekinshi oryn
- 75 kelige deıin salmaq dárejesinde kýrsant B.Esbolatov ekinshi oryn
- 85 kelige deıin salmaq dárejesinde kýrsant E.Konyrov ekinshi oryn
- 60 keli salmaq sanatynda kýrsant B.Jomartov úshinshi oryn
- 75 kelige deıin salmaq dárejesinde kýrsant D.Arnaı úshinshi oryn
- 80 kelige deıin salmaq dárejesinde kýrsant J.Qabyljan úshinshi oryn
- 85 keliden joǵary salmaq dárejesinde kýrsant E.Amangeldınov úshinshi oryn
Aıta ketý kerek, shekarashy kýrsanttardyń basy-qasynda júrip, olardyń bıik tuǵyrdan kórinýine at salysyp jatpaı-turmaı jattyqtyryp júrgen 1-fakýltettiń 12-arnaıy kafedrasynyń (dene shynyqtyrý daıyndyǵy) sport nusqaýshysy qatardaǵy jaýynger halyqaralyq dárejedegi sport sheberi Q.Nurǵalıevtiń tynymsyz eńbegi qandaı qurmetke de laıyqty. Osy bir asyl azamattyń arqasynda joǵarydaǵy shekarashy kýrsanttar osyndaı jetistikke jetip otyr.
Shekara akademııasynyń kýrsanttarynan bólek shekarashy ofıerler de sport dese ishken asyn jerge qoıady. Onyń aıqyn dáleli 2022 jyldyń 19 aqpanynda Almaty qalasynda «Smelost byt pervym» qaıyrymdylyq qorynyń qamqorlyǵymen 10 shaqyrymǵa júgirýden qysqy júgirý saıysy ótti. Áskerı qyzmetshilerdiń sporttyq sheberlikterin kóterý maqsatynda jáne ekstrımaldyq dene jáne psıhıkalyq júktemelerine tótep berý qabiletterin qalyptastyrý úshin atalmysh saıysqa podpolkovnık E.Sýıýnov, maıorlar D.Shıngalıev, D.Kenjetaev, 3 dárejeli kelisimshart qyzmetiniń serjanttary E.Bızjanov, E.Anapııaev, serjant L.Islambakıev, qatardaǵy jaýynger R.Qadyrbek qatysyp, márelik medaldarmen marapattaldy.
Janat JABYRBEKOV,
QR UQK Shekara akademııasynyń
baspasóz hatshysy
