Bul sózdi, "Bizge Pýtındik Reseı kerek emes, Pýshkındik Reseı kerek!"-dep, 2014 jyly qazaqtyń kórnekti aqyny Temirhan Medetbek aıtyp edi. Almatyda Ulttyq kitaphanada maǵan Qazaqstanda tuńǵysh ret Reseı Halyqaralyq Jazýshylar odaqtary qaýymdastyǵynyń Sergeı Esenın atyndaǵy syılyǵy – «Altyn Kúz» ordenin tapsyrý saltanatynda Reseıden kelgen jazýshylarǵa qarata aıtqan edi…
Bir qyzyǵy Esenın syılyǵyn maǵan belgili ýkraın jazýshysy, M.Sholohovtyń áıgili “Tynyq Donyn” ýkraın tiline aýdarǵan Vladımır Seredın tabys etip edi…
Pýshkın men Pýtınniń elderi bir bolǵanmen erleri bir emes! Ony qazir soǵysqa qarsy shyǵyp jatqan Reseı halqynyń, esimderi álemge áıgili zııalylarynyń Pýtınge, soǵysqa qarsy qol jınap, kóshege shyǵýynan da kórýge bolady.
TAǴY ShAIQALA BASTAǴANNYŃ MIY ShAIQALA BASTAIDY!
Shamasy, Reseı prezıdenti Vladımır Pýtın óziniń bir kezde aıtqan belgili sózin umytyp qalǵan sııaqty. Ol Keńes odaǵyn qaıta qalpyna keltirýge umtylý týraly suraqqa: "Keńes odaǵyn qaıta ornatqysy kelgenderdiń júregi bar, biraq mıy joq" degen edi...
Taǵy shaıqala bastaǵannyń mıy da shaıqala bastaıdy. (Dál osyndaı taqyryppen osydan eki jyl buryn maqala jazyp edik.) Buny Pýtınnniń keıingi kezde Táýelsiz memleketterge tas laqtyra bergen arandatý sózderi anyq aıqyndap berdi. Iaǵnı, Pýtınniń ózi óziniń kezinde aıtqan áıgili sóziniń keıipkerine aınala bastady... Ony Táýelsiz Ýkraınaǵa basqynshylyq shabýyly da aıqyn kórsetýde.
Tarıhta qandaı el bolsyn, tek Otanyn qorǵaýda, ıaǵnı ádiletti de, qasıetti soǵysta ǵana jeńiske jetetini aıqyn! Al ýkraın aǵaıyndarǵa Uly Otanyn qorǵaýda Uly Jeńis tileımiz!
Qazybek ISA
