El ordada «Erekshe balalar. Minez-qulyqty qoldanbaly taldaýǵa (AVA) kirispe» atty kitaptyń tusaýkeseri ótti. Bul minez-qulyqty qoldanbaly taldaıtyn (AVA) qazaq tilindegi eń alǵashqy oqý quraly. AVA terapııasy – álemdegi tıimdiligi ǵylymı turǵydan dáleldengen damý erekshelikteri bar balalardy oqytatý oqytý ádisteriniń biri. Kitapty “Bolashaq” korporatıvtik qory “Shevron” kompanııasymen seriktestikte aýdaryp shyǵardy.
Bul kitap – «Osobye detı. Vvedenıe v prıkladnoı analız povedenııa (AVA)» atty kitaptyń qazaq tiline aýdarmasy, ol jerde minez-qulyqtyń qoldanbaly taldaýynyń negizgi qaǵıdalary, problemalyq minez-qulyqty túzetý ádisteri jáne damý erekshelikteri bar balalarǵa minez-qulyqty úıretý strategııalary sıpattalǵan. Kitap damý erekshelikteri bar balalardy tárbıeleıtin jáne oqytatyn pedagogtarǵa, defektologtarǵa, logopedterge jáne ata-analarǵa arnalǵan.
Kitapty aýdarý jáne shyǵarý “Bolashaq” qorynyń “Ár bala mektepke barýǵa turarlyq” jobasy aıasynda iske asyrylady. Joba 2015 jyldan beri jumys istep keledi jáne aýtızmi jáne basqa da damý erekshelikteri bar balalarǵa mektepte jáne balabaqshada bilim berýdiń ınklıýzıvti modelin damytýǵa jáne engizýge baǵyttalǵan.
“Osyndaı kitaptardy aýdara otyryp biz qazaq tildi mamandarǵa dúnıejúzilik ǵylymı qaýymdastyq tanyǵan ozyq ádisterdi, ıaǵnı túzetý pedagogıkany usynamyz. Bul degenimiz biz Qazaqstandaǵy erekshe balalarmen jumys tıimdiligin arttyrý úshin kóbirek jaǵdaı týǵyzamyz. Kitappen jumys barysynda keıbir minez-qulyqty qoldanbaly taldaý boıynsha arnaıy termınder aǵylshyn jáne orys tilderinen alǵash ret qazaq tiline aýdaryldy. Árıne kitapty aýdarýǵa bizdiń qymbatty demeýshimiz “Shevron” kompanııasynyń kómegi zor boldy. Osyndaı mańyzdy isti qoldaǵany úshin olarǵa shyn júrekten alǵys aıtamyz. Búgin biz qazaq tilindegi ınklıýzııa salasyndaǵy sapaly ádebıettiń shyǵarylýynyń negizin qalaımyz. Qor osy baǵytta jumysyn jalǵastyrady. Qazirgi tańda biz “ABLLS-R” damý erekshelikteri bar balalardyń daǵdylaryn baǵalaý quralyn aǵylshyn tilinen qazaq tiline aýdarýdy qolǵa aldyq” – dedi "Bolashaq” qorynyń Qamqorshylyq keńesiniń tóraıymy Dınara Gaplan.
Sharaǵa “Shevron” kompanııasynyń jurtshylyqpen baılanys jónindegi úılestirýshisi Qoshpanova Janar, Ulttyq arnaıy jáne ınklıýzıvtik bilim berýdi damytý ǵylymı-praktıkalyq ortalyqtyń dırektory Kýderınova Áıgerim, sonymen qatar mamandar jáne aımaqtardan kelgen aýtızmi bar balalardyń ata-analary qatysty. Kitap avtorlary Iýlııa Er jáne Iýlııa Meleshkevıch qatysýshylarǵa beıne-baılanys arqyly shyǵyp, kitaptyń paıdasy jáne onyń qazaq tiline aýdarý mańyzdylyǵy týraly sóz qozǵady. Kitapty tanystyrý aıasynda “Bolashaq” qorynyń mamandary Qazaqstannyń túrli aımaqtarynan kelgen mamandarǵa jáne erekshe balalardyń ata-analaryna minez-qulyqty qoldanbaly taldaý boıynsha birneshe semınar ótkizdi.
“Qazaqstanda, ádil, qoljetimdi jáne sapaly bilim berýdi qamtamasyz etetin jalpy álemdik qaǵıdalardy jáne ınklıýzıvtik qundylyqtardy qoldaýǵa umtylatyn elde erekshe qajettilikteri jáne densaýlyǵy shekteýli balalardyń sany artyp keledi. Sondyqtan “Shevron” kompanııasy ınklıýzııany damytý qyzmetimen tanymal “Bolashaq” qorymen seriktestikte minez-qulyqty qoldanbaly taldaý boıynsha quraldy qazaq tiline aýdarýǵa qoldaý kórsetýdi sheshti. Bul ádistemelik qural ınklıýzıvtik bilim berý qaǵıdalaryn damytýǵa jáne damý erekshelikteri bar balalarǵa teń múmkindikter beretin qoǵam qurýǵa eleýli úles qosady, dep senemiz”, – deıdi “Shevron” kompanııasynyń Qazaqstandaǵy jurtshylyqpen baılanys jónindegi úılestirýshisi Qoshpanova Janar.
Baılanysatyn tulǵa:
Lıaılıa Kabpasova
+7 775 225 19 07; +7 7172 500 618,
_________________________________
“Shevron” - dúnıejúzindegi iri ıntegraııalanǵan energetıkalyq kompanııalardyń biri. Biz qoljetimdi, senimdi jáne taza energııanyń gúldengen jáne turaqty álemdi qurýda mańyzy zor dep senemiz. “Shevron” munaı men tabıǵı gaz shyǵarady, kólik jaǵarmaıyn, janar-jaǵar maı, munaı-hımııalyq ónimderdi óndiredi, sonymen qatar bizdiń bıznesimiz ben salamyzdy jaqsartatyn tehnologııalardy damytady. Biz qyzmetimizdegi kómirtekti azaıtýǵa erekshe nazar aýdaramyz jáne bıznesimizdiń qalypty baǵyttarymen qatar kómirtek shyǵaryndylary tómen bıznesti damytýǵa tyrysamyz. “Shevron” kompanııasy týraly tolyǵyraq aqparatty www.chevron.com saıtynan taba alasyzdar.
“Bolashaq” qorynyń “Ár bala mektepke barýǵa turarlyq” jobasy aýtızmi jáne basqa da damý erekshelikteri bar balalarǵa arnalǵan ınklıýzıvtik bilim berý modelin damytýǵa jáne Qazaqstannyń mektepterine jáne balabaqshalaryna engizýge baǵyttalǵan. 2015 jyldan bastap qor Qazaqstannyń 17 aımaǵynda ınklıýıýzııany qoldaıtyn 46 kabınet ashty. 3500-den astam maman ınklıýzıvti bilim berý jáne minez-qulyqtyń qoldanbaly taldaýy boıynsha oqýdan ótip, 450 jumys orny ashylyp, Qazaqstandaǵy qor mamandarynyń jetekshiligimen 58 kabınet ashyldy. QR Bilim jáne ǵylym mınıstrligi maquldaǵan minez-qulyqty qoldanbaly taldaý negizderi boıynsha pedagogtardyń biliktiligin arttyrý kýrsy ázirlenip júzege asyrylýda.
"Adyrna" ulttyq portaly
