Memleket basshysynyń ókimimen Bolat Anapııauly Tilepov Qazaqstan Respýblıkasy Prezıdenti Ákimshiliginiń Ishki saıasat bóliminiń meńgerýshisi laýazymyna taǵaıyndaldy.
Bolat Tilepov 1978 jyly Kentaý qalasynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin «saıasattanýshy, saıasattaný oqytýshysy» mamandyǵy boıynsha támamdaǵan. 2001-2005 jyldary «Strategııa» taldaý ortalyǵy» qoǵamdyq qorynyń sarapshysy, Áleýmettik-saıası zertteýler ǵylymı-zertteý ınstıtýtynyń ǵylymı qyzmetkeri, Saıası tehnologııalar ortalyǵynyń aǵa ǵylymı qyzmetkeri bolyp jumys istedi.
2005-2006 jyldary — Almaty qalasy ákimi apparatynyń Qazaqstan halqy kishi assambleıasy meńgerýshisiniń mindetin atqarýshy, hatshylyq meńgerýshisi. 2008 jyly Almaty qalasy Ishki saıasat departamenti dırektorynyń orynbasary, Ishki saıasat basqarmasy basshysynyń orynbasary qyzmetin atqardy.
2008 jyldan 2013 jylǵa deıin — Astana qalasy Ishki saıasat basqarmasy basshysynyń orynbasary, basshysy. 2013-2014 jyldary — «Astana qalasynyń Ishki saıasat basqarmasy» MM basshysy.
2014-2015 jyldary — Qorǵanys mınıstrliginiń Ákimshilik departamenti basshysynyń orynbasary. 2015-2016 jyldary — Premer-mınıstr orynbasarynyń keńesshisi. 2017-2019 jyldary — Qazaqstan Respýblıkasynyń Reseı Federaııasyndaǵy Elshiliginiń keńesshisi. 2019 jylǵy qarashadan bastap búgingi kúnge deıin Prezıdenti Ákimshiliginiń memlekettik ınspektory bolyp jumys istedi.
"Adyrna" ulttyq portaly
