Ótken jyly memlekettik qyzmet salasyndaǵy zańnamanyń saqtalýy úshin 720 tekserý júrgizildi.
Jiberilgen zań buzýshylyqtar úshin 265 laýazymdy tulǵa tártiptik jaýapkershilikke tartyldy. Bul týraly Memlekettik qyzmet isteri Agenttiginiń Tóraǵasy Darhan Jazyqbaev keńeıtilgen Alqa otyrysynda aıtty.
Sondaı - aq, 107 ákimshilik is qozǵaldy, olardyń nátıjeleri boıynsha 99 adam ákimshilik jaýapkershilikke tartyldy.
Memlekettik qyzmetshiler arasynda qabyldanǵan qyzmettik ádepterdi buzýshylyqtardyń aldyn alý maqsatynda ádep jónindegi keńestermen 176 otyrys ótkizildi, onda 1129 másele qaraldy.
Ádep jónindegi keńesterdiń otyrystarynda qaralǵan máselelerdiń 48%-y tártiptik is bolyp tabylady.
Agenttik tóraǵasynyń aıtýynsha ádep jónindegi keńesterdiń quramyn qalyptastyrý kezinde memlekettik qyzmetten habary bar adamdardy, bilikti, kórnekti azamattyq qoǵamnyń ókilderin, memlekettik qyzmetshilerdi, depýtattardy da qosý qajet.
Sondaı-aq, halyqtyń Ádep jónindegi keńeske senimin arttyrý úshin, azamattardy qabyldaý jumysynyń ashyqtyǵyna erekshe nazar aýdarý kerek.
«Qoǵamda Ádep jónindegi ýákilder ınstıtýty týraly jaǵymdy pikir qalyptastyrý úshin «Úzdik Ádep jónindegi ýákil» respýblıkalyq konkýrsy ótkizildi. Konkýrs qorytyndysyna sáıkes, Ádep jónindegi ýákilderdiń reıtıngi qalyptastyrylyp, Agenttiktiń saıtynda ornalastyrdy. Aldaǵy ýaqytta da Ádep jónindegi ýákil qyzmetin turaqty úılestirý qajet», - deıdi Darhan Jazyqbaev.
Agenttik tóraǵasy sonymen qatar memlekettik qyzmetshilerge qatysty BAQ-ta jarııalanǵan synı materıaldarǵa memlekettik organdardyń jaýap berýin baqylaý, qolastyndaǵylardyń sybaılas jemqorlyq qylmystar jasaǵany úshin basshylardyń jaýapkershiligine monıtorıng júrgizý Agenttiktiń únemi nazarynda ekenin aıtty.
”Adyrna” ulttyq portaly
