Memlekettik basylym Qańtar qyryǵynan keıin qamaýda otyrǵan alty adamnyń qaıtys bolǵany týraly jazdy, dep habarlaıdy “Adyrna” ulttyq portaly Orda.kz saıtyna silteme jasap.
«Jaqynda ǵana biz tergeýge ruqsat etilmegen anyqtaý ádisterin qoldaný faktileri boıynsha qylmystyq isterdi qabyldadyq. Buryn olardy tergeýmen sybaılas jemqorlyqqa qarsy qyzmet organdary aınalysqan. Bizge mundaı isterdiń barlyǵy berilmedi, tek aýyr zardaptar, dálirek aıtqanda, ustalǵandardyń ólimi tirkelgen jaǵdaılar boıynsha ǵana. Bizdiń málimetterimiz boıynsha, mundaı jaǵdaıda Almaty ÝUI jaǵdaıynda eki adam, Shyǵys Qazaqstan oblysynda úsh adam jáne Taldyqorǵanda bir adam qaza tapqan» dep habarlady Rızabek Ojarov.
Sondaı-aq, onyń aıtýynsha, qadaǵalaý organy Taldyqorǵannyń turǵynyna qatysty útik qoldanýmen baılanysty azaptaý týraly rezonanstyq isti alǵan. Áńgime Qazaqstannyń birinshi prezıdenti Nursultan Nazarbaevtyń eskertkishin buzýǵa qatysqan Azamat Batyrbaev týraly bolyp otyr. Arnaıy prokýror naqtylaǵandaı, ol áli de tergeý ızolıatorynda.
«Atalǵan faktiler boıynsha tergeý jalǵasýda, olardyń nátıjeleri týraly mindetti túrde habarlaımyz. Biraq mundaı qylmystar jappaı sıpatqa ıe emes dep aıta alamyn» dep sendirdi Ojarov.
