Ánshi Ábdijappar Álqojanyń uldarynyń súndet toıynda akýla soıylyp, shoý jasaldy, dep habarlaıdy “Adyrna” ulttyq portaly Tengrinews.kz saıtyna silteme jasap.
Akýlany belgili aspaz Baǵdat Talǵatuly (@bagdat_cook) daıyndaǵan. Onyń aıtýynsha, akýla eti jarty saǵatta pisedi.
"Toı keshe, 22-si Jetisaıda ótti. Akýlany AQSh-tan aldyrtty. Balyq jarty saǵatta pisedi. Onyń eti kóp adamǵa unamaýy múmkin. Taýyqtyń etine uqsaıdy, biraq qyshqyldaý bolyp keledi. Bir akýlany toıda shoý retinde usyndyq. Etin kóp adam jeı bermeıdi, akýla degen aty ǵana", - deıdi aspaz.
Artynsha akýlanyń eti qonaqtarǵa usynylǵan. Baǵdattyń aıtýynsha, bul akýla etin pisirýdegi alǵashqy tájirıbesi emes.
"Almatyda balyqtyń túr-túrin, segizaıaq, tipti jylandy da tapsyryspen meıramhanalarda pisiretinmin. Keshegi toıdaǵy balyq - akýlanyń balasy. Negizi ol jabaıy akýla emes. Iaǵnı jıyn-toılarǵa tapsyrys retinde arnaıy basseınderde 2-3 kelige deıin ósiriledi. Akýlanyń jasandy túri dep aıtsaq bolady", - deıdi Baǵdat.
Sonymen qatar, búginde akýlalardyń baǵasy qanshadan ekenin aıtty.
"Ortasha eseppen bir kelisi 10-15 myń teńgeden. Keshegi toıdaǵy akýlanyń salmaǵy shamamen 3 keli", - deıdi aspaz.
“Adyrna” ulttyq portaly
