Bul pikirimen belgili memleket jáne qoǵam qaıratkeri Qasqa Jol Youtube arnasyna bergen suhbatynda bólisti, dep habarlaıdy "Adyrna" ulttyq portaly. Jýrnalıst Abaı Seıfýlla Baımenovten «Oppozıııa qatarynda biraz júrgenińizben Nazarbaev júıesine qaltqysyz, adal qyzmet etkenderdiń birisiz. Osy kúnge deıin, kimge senim artqanyńyz úshin, qaı sheshimderińiz úshin ókiner edińiz?» dep suraǵan edi.
«Men Nazarbaev rejımine qaltqysyz qyzmet etkenderdiń ishine jatpaımyn dep oılaımyn. Sebebi men eki ret óz erkimmen bıik laýazymnan kettim. 2001 jyly marqum Altynbek Sársenbaıuly «maǵan qaýip tónip tur» degen kezde bardym. Sol kezde meni Áblıazovpen jáne basqa azamattarmen ózi basqaratyn tıpografııada kezdestirdi. Sonda olarǵa qosylatynymdy málimdedim. Ekinshi ret 2014 jyly Memlekettik qyzmet isteri agenttiginen ketkenmin. 2003 jyly da Eńbek mınıstrligin basqarýdan bas tarttym», - dep jaýap bergen Baımenov.
Alıhan Baımenovke 2001 jyly kúzde Toqaev ta qyzmet usynǵan eken.
«Ol kezde Qasym-Jomart Toqaev premer-mınıstr. Maǵan habarlasyp «Siz ne istep júrsiz? Men sizdi vıe-premer bolýǵa daıyn dep Prezıdentpen kelisip júr edim» dedi. Biraq men dostarymnyń aldyndaǵy ýádemnen bas tarta almaıtynymdy aıttym», - deıdi qoǵam qaıratkeri.
Suhbat barysynda Baımenov Nazarbaevqa qatysty birneshe ret synı pikir bildirdi.
«1995 jyldan bastap tejegish kúshter bolmaı Nazarbaev pendelikke boı aldyra bastady. Degenmen bastapqy kezeńdegi eńbegin eshkim joqqa shyǵara almas. Al pendelik qyzyqtarynyń aldynda ózin ózi tejeı almaýy burynǵy eńbekteriniń birazyn shaıyp ketti... Memleket baılyǵyn urlaǵandardy bile tura kóz juma qarady... Jasaǵan kemshilik-qatelikteri bolsa sol úshin Alladan keshirim surap, qarapaıym adam retindegi ómirin súre bersin»,- degen pikirler aıtty saıasatker.
Suhbattyń tolyq nusqasyn tómendegi silteme arqyly kóre alasyzdar:
"Adyrna" ulttyq portaly
