Reseıdiń úzdik ýnıversıteti Akademııalyq adaldyq lıgasyna múshe bolýdy josparlaýda

1629
Adyrna.kz Telegram

290 jyldyq tarıhy bar, reseılik jetekshi joǵary oqý oryndarynyń biri Sankt-Peterbýrg Memlekettik Ýnıversıteti qazaqstandyq M.S. Nárikbaev atyndaǵy KAZGUU Ýnıversıtetimen iskerlik baınalys ornatyp, Akademııalyq adaldyq lıgasyna múshe bolý maqsatymen keldi.

Kezdesý aıasynda ýnıversıtettiń Sapany qamtamasyz etý keńsesi Apache Superset (derekterdi zertteý jáne vızýaldaýǵa arnalǵan baǵdarlamalyq qamtamasyz etý) negizinde qurylǵan KAZGUU Data Analytics aqparattyq júıesimen tanysty.

- Búgin bizge aqparat berýdiń jańa tásili men deńgeıi usynyldy.

Sonymen qatar, bul aqparat Ýnıversıtettiń kúndelikti qyzmetinde óte mańyzdy, árıne, mundaı ońtaılandyrylǵan málimettermen jumys isteý ońaıyraq, - atap ótti Sankt-Peterbýrg memlekettik ýnıversıtetiniń elektrondyq bilim berý resýrstaryn damytý ortalyǵynyń dırektory Vladımır Starostenko.

Kezdesý nátıjesinde Federaldyq memlekettik bıýdjettik joǵary bilim berý mekemesi «Sankt-Peterbýrg memlekettik ýnıversıteti» men «Akademııalyq adaldyq lıgasy» arasynda qujatqa qol qoıyldy.

Atalǵan qujat ózara tıimdi, uzaq merzimdi áriptestikti nyǵaıtýǵa baǵyttalǵan.

«Akademııalyq adaldyq Lıgasy» jalpy jınalysynyń tóraǵasy Sergeı Penniń aıtýynsha, Lıga qazaqstandyq ýnıversıtettermen ǵana shektelmeı, kórshiles elderdiń úzdik oqý oryndarymen músheleriniń qataryn kóbeıtýde. Mysaly, reseılik áriptesterimen qatar ózbekstandyq joǵary oqý oryndary da Lıganyń qyzmetine joǵary baǵa berip, múshelik etýge nıetti ekenin bildirgen.

Eskertý: Qazaqstannyń 11 úzdik joǵary oqý orny Lıganyń músheleri bolyp tabylady. Olar qazirgi tańda Bilim jáne ǵylym mınıstrliginiń tapsyrysymen «Atameken» UKP daıyndaǵan JOO reıtıngisinde alǵashqy oryndardy ıelenedi. Atap aıtsaq: Qazaq-Brıtan tehnıkalyq ýnıversıteti, Almaty menedjment ýnıversıteti, Súleımen Demırel ýnıversıteti, M.Nárikbaev atyndaǵy KAZGIýÝ ýnıversıteti, S.Asfendııarov atyndaǵy Qazaq ulttyq medıınalyq ýnıversıteti, Qaraǵandy medıınalyq ýnıversıteti, Halyqaralyq bıznes ýnıversıteti, Halyqaralyq aqparattyq tehnologııalar ýnıversıteti, QR Prezıdentiniń janyndaǵy Memlekettik basqarý akademııasy, Q.Sátbaev atyndaǵy Qazaq ulttyq tehnıkalyq ýnıverısıteti, M.Qozybaev atyndaǵy Soltústik Qazaqstan memlekettik ýnıversıteti.

Akademııalyq adaldyq lıgasynyń baspasóz qyzmeti

Pikirler