Sanjar Boqaev partııa qurylǵanyn málimdedi. Ol bul týraly óziniń telegram arnasynda jazdy.
«Búgin men baspasóz máslıhatyn ótkizip, saıası partııanyń qurylǵanyn jarııalaımyn. Bizdiń partııa qurýymyzdyń basty sebepteriniń biri – úkimet jumysynyń álsizdigi jáne jalpy jemqorlyq. Úmitten, kútýden sharshadyq. Memleket tek estigendeı keıip tanytady. Máselen, Ózbekstan úkimeti prezıdenttiń tıisti tapsyrmasyn oryndaı otyryp, aýylsharýashylyq tehnıkasyna baj salyǵyn alyp tastaýǵa nebári úsh kún ǵana ýaqyt jumsady. 1,5 aı boıy bizdiń úkimet atalmysh máseleni sheshe almaı, blog-týrlarmen aınalysýda. Lobbı taǵy da memleketten kúshti bolyp shyqty», - dedi Boqaev beısenbi kúni.
«Sondyqtan, meniń oıymsha, bizge, qoǵamǵa óz partııamyz kerek. Ol qandaı baǵytta, qandaı mıssııa men maqsattardy kózdeıtinin jıynda aıtamyn», - dep qosty saıasatker.
Ol saǵat 11.00-de Almaty qalasy, Abylaı han kóshesi, 53, «Merkıýr Almaty» qonaq úıi, «Han Táńiri» májilis zaly, ekinshi qabat meken-jaıynda ótetin baspasóz máslıhatyna BAQ pen sarapshylardy shaqyrdy.
"Adyrna" ulttyq portaly
