Qasym-Jomart Toqaevqa Ömırzaq Şökeev 2021 jyly Türkıstan oblysynda atqarylǧan jūmystar turaly esep berdı.
Ömırzaq Şökeevtıŋ aituynşa, ekonomikanyŋ negızgı körsetkışı – jalpy öŋırlık önım kölemınıŋ ösımı byltyr 2020 jylmen salystyrǧanda 4,7 paiyzǧa artqan. Auyl şaruaşylyǧy salasynda 906,5 milliard teŋgenıŋ önımı öndırılıp, ösım 101,7 paiyzdy qūraǧan. Būl nätije oblystyŋ respublikadaǧy ülesı boiynşa ekınşı orynǧa şyqqanyn körsetedı.
Aimaq äkımı «Qarapaiym zattar ekonomikasy» baǧdarlamasy aiasynda 315 joba qarjylandyrylǧanyn aitty. Prezidentke öŋırdegı qūrylys qarqynyŋ artqany turaly mälımet berıldı. Qūrylys jūmystarynyŋ kölemı 2020 jylmen salystyrǧanda 4,1 paiyzǧa artqan. Ömırzaq Şökeev Türkıstan qalasyn türkı älemınıŋ mädeni-ruhani ortalyǧy retınde qalyptastyru jūmystarynyŋ bırınşı kezeŋı aiaqtalyp, äleumettık infraqūrylymnyŋ negızı qalanǧanyn jetkızdı.
Onyŋ aituynşa, oblystyŋ 2021-2025 jyldarǧa arnalǧan jaŋa keşendı jospary bekıtılgen. Oblys äkımı «Halyq ünıne qūlaq asatyn memleket» tūjyrymdamasyna säikes, Sairam audanynda jüzege asyrylǧan «Parasatty diskussiialyq klub» pilottyq joba turaly baiandady. Atalǧan joba oblys, audan, aimaqtaǧy küştık qūrylym basşylarynyŋ tūrǧyndarmen kezdesulerın, aşyq äŋgımelesulerın qamtamasyz etedı.
Qasym-Jomart Toqaev Türkıstan oblysynda atqarylyp jatqan jūmystarǧa oŋ baǧa bere otyryp, qolǧa alynǧan jobalardy jalǧastyrudy jäne halyqpen tyǧyz jūmys ısteudı küşeitudı tapsyrdy.
"Adyrna" ūlttyq portaly
