Atyraý oblysynda birden tórt aýyl karantınge jabyldy. Mundaı shara qabyldaýǵa Qyzylqoǵa aýdanyndaǵy iri qaradan anyqtalǵan ınfekııa sebep bolǵan, dep habarlaıdy “Adyrna” ulttyq portaly Habar 24 arnasyna silteme jasap.
Aýdanda barlyǵy 700 bas iri qara aýyrǵan. Ázirge mal soıý, satý nemese aýdan aýmaǵynan shyǵarýǵa tyıym salynǵan.
Mal dárigerleri vırýstyq dıareıanyń Saǵyz aýylynan bastalyp, 10 kún ishinde kórshiles eldi mekenderge taraǵanyn aıtady. Qazir Muqyr men Janegeldın aýyldaryndaǵy iri qara da shetinen aýyra bastaǵan.
Mamandar aýrý tabylǵan oryndarǵa dezınfekııalaý jumystaryn júrgizip jatyr. Qaıta vakınalaý bastalyp, barlyǵy 20 myń bas iri qara ekpe salynǵan.
"Sıyrlarymyz birneshe kúnnen beri tamaq ishpedi. Únemi dıareıa. Mal dárigerleri qarap, ekpe saldy. Ázirge baqylaýdamyz. Sıyrlar bizdiń asyraýshylarymyz ǵoı", - deıdi Saǵyz aýylynyń turǵyny Altynaı Turjanova.
"Synama alyp, astanaǵa jiberdik. Dıagnoz – ınfekııalyq rınotraheıt pen vırýstyq dıareıa. Qaıtalap vakına salyp jatyrmyz. Biz eshkimge maldy satý nemese orynyn aýystyrý jóninde anyqtama bermeımiz", - dedi mal dárigeri Klara Sársenbaeva.
“Adyrna” ulttyq portaly
