Gúlnara Karımovanyń qylmystyq jolmen jınaǵan taǵy da 10 mıllıon dollary elge qaıtaryldy

2852
Adyrna.kz Telegram

Gúlnara Karımovanyń qylmystyq jolmen jınaǵan 10 mıllıon dollary Franııadan Ózbekstanǵa qaıtaryldy. Bul aqparatty Ózbekstan ádilet mınıstrligi habarlady, biraq qashan, qaı kúni qaıtarylǵanyn aıtpady. Aqparatty Azattyqtyń Ózbek redakııasy jarııalady.

Ózbekstan ádilet mınıstrliginiń sózinshe, "2020 jyly mamyr aıynda da Gúlnara Karımovaǵa tıesili 10 mıllıon dollar qaıtarylǵan. Qazir Shveıarııa, AQSh, Franııa, Reseı jáne ózge de elderdiń bıligi men ózbek bıligi Ózbekstannan qylmystyq joldarmen zańsyz shyǵarylǵan aqshany qaıtarý boıynsha belsendi jumys júrgizip jatyr".

Ózbekstan men Shveıarııa arasyndaǵy kelissózdiń bir satysy 11 aqpanda ótken. "Eki tarap Birikken ulttar uıymynyń kóp jaqty trast qoryn qurýǵa ýaǵdalasty. Qordyń jumysy Gúlnara Karımovaǵa baılanysty qylmystyq is boıynsha tárkilengen aktıvterdi qaıtarýǵa baǵyttalady. Tek Karımova emes, ózge de tárkilengen aktıvtermen jumys isteıdi. Qazirgi ýaqytta 131 mıllıon dollar aqsha Ózbekstanǵa qaıtarylýǵa daıyn tur, - deıdi Ózbekstan Ádilet mınıstrligi.

Qordy basqarý mehanızmi Shveıarııa, Ózbekstan jáne Birikken ulttar uıymynyń ókilderinen quralady. Osylaısha, Shveıarııa men Ózbekstan avtıvterdi qaıtarýǵa kirisedi.

Ádilet mınıstrliginiń sózinshe, Gúlnara Karımaova jónindegi ózbek sottarynyń úkimderin Máskeý qalalyq soty moıyndaǵan, sol sebepti Reseı de Karımovanyń tárkilengen aktıvterin satýdy uıymdastyryp jatyr.

Gúlnara Karımovany Tashkent soty 2020 jyly 18 naýryzda 13 jyl 4 aıǵa sottaǵan. Oǵan "qastandyq jasamaq boldy, bopsalady, urlyq jasady, aqsha jylystatty" degen túrli aıyptar taǵylǵan. Ózbekstandy kóp jyl basqaryp, aıaq astynan qaıtys bolǵan avtokrat Islam Karımovtyń qyzy Gúlnara Karımova ákesi tiri kezinde-aq Tashkent oblysyndaǵy áıelder kolonııasyna qamalǵan.

Bıyl qańtar qyrǵynan keıin Qazaqstan prezıdenti Qasym-Jomart Toqaev birneshe málimdeme jasap, úkimetke Qazaqstannan shetelge zańsyz shyqqan qarjyny qaıtarýdy tapsyrǵan.

"Qańtar qyrǵynynan" keıin Qazaqstannyń burynǵy prezıdenti Nursultan Nazarbaev "qaýipsizdik keńesiniń tóraǵasy" ókiletinen aıyrylyp, týystary joǵary qyzmetterinen bosaǵan. Osydan keıin Nursultan Nazarbaevtyń aınalasyndaǵy adamdardyń shetelge "zańsyz shyǵarǵan aqshasyn qaıtarý" jóninde qoǵam belsendileri sóz ete bastaǵan edi.

“Adyrna” ulttyq portaly
Pikirler