Şymkent qalasy äkımınıŋ orynbasary Erǧali Bılısbekov kezektı ret tūrǧyndardy onlain rejimde qabyldap, 30-ǧa juyq azamattyŋ ötınışı men şaǧymdaryn tyŋdady.
Qabyldauda baspana men jūmyspen qamtu jäne äleumettık kömekke qatysty mäseleler qaraldy.
Äkım orynbasaryna jeke mäselesın aitqan Azada Ahantaeva tūrǧyn üimen qamtamasyz etudı sūraǧan. Joldasymen ajyrasqan soŋ üş balasymen qalaǧa qonys audarǧan. Bügınde A.Ahantaeva päter jaldap, qoǧamdyq tamaqtanu ornynda jūmys ısteidı. Alaida tūrǧyn üi kezegı üşın qūjat tapsyrmaǧan.
E.Bılısbekov jaǧdaidy öz baqylauyna alatynyn, azamatşaǧa zaŋ aiasyn kömek körsetetının jetkızdı. Osy mäselege qatysty basqarma basşylaryna üi kezegıne tūru jönınde tüsındırme jūmysyn jürgızudı jäne tūraqty jūmyspen qamtudy tapsyrdy.Onlain qabyldauda atauly äleumettık kömek sūraǧandar da jiı kezdesedı. Äkım orynbasary AÄK-tıŋ uaqytşa kömek ekenın, otbasynyŋ ärbır müşesıne kedeilık şegınen aspaityn jan basyna şaqqandaǧy ortaşa tabysy bar azamattarǧa taǧaiyndalatynyn jetkızdı. Aita ketsek, kedeilık şegı künkörıs deŋgeiınıŋ 70% nemese 2022 jyldyŋ 1 toqsanyna orta eseppen 25 031 teŋge bolyp belgılendı . Sonymen qatar, qabyldauda AÄK-ke täueldı bolmai, jūmysqa ornalasyp, tabysyn eselegısı keletın tūrǧyndar da boldy. Osy oraida, Erǧali Däuletbekūly jūmyspen qamtu ortalyǧynyŋ qyzmetkerlerıne naqty tapsyrmalar jüktedı.